باۋىر - ورگانيزم دەنەسىندەگى ەڭ ءىرى بەز. عىلىمنىڭ دالەلدەۋىنشە، باۋىر ورگانيزمدەگى زات الماسۋ پروسەسسىنە قاتىسىپ، قورەكتىكتەردى وڭدەيدى. ءتۇرلى ۋىتتى، بيولوگيالىق بەلسەندى زاتتار دا باۋىر ارقىلى ءسۇزىلىپ، زالالسىزداندىرىلادى ەكەن. باۋىردىڭ قاندى رەتتەپ، ونىڭ تۇراقتى قۇرامىن ساقتاۋداعى ماڭىزى دا وتە زور. قورشاعان ورتامىزدىڭ بۇزىلۋى جانە تاماق ساپاسىنىڭ ناشارلاۋىنا ساي، بۇگىنگى تاڭدا باۋىر اۋرۋلارىنا شالدىققان ادامداردىڭ سانى كۇن ساناپ كوبەيىپ كەلەدى.
«اۋىرىپ ەم ىزدەگەنشە، اۋرمايتىن جول ىزدە» دەگەندەي، دەنساۋلىقتى قورعاۋعا، باۋىر قىزمەتىن جاقسى ۇستاۋعا ەرتەرەك ءمان بەرگەن دۇرىس.
مەديسينا سالاسىنىڭ قاتىستى دەرەكتەرىنە جۇگىنسەك، باۋىردى قورعاۋدىڭ جانە ونىڭ قىزمەتىن جاقسارتۋدىڭ، باۋىر سىرقاتتارىنىڭ الدىن الۋدىڭ ەڭ قاراپايىم جولى رەتىندە مىنا ءبىر قانشا ءتاسىلدى ۇسىنىپتى.
- ءبىر كەسە تازا سۋعا ليموننىڭ تەڭ جارتىسىن قوسىپ ءىشىڭىز. ليمون شىرىنى باۋىرداعى بارلىق زياندى ءزار، ۋىتتى شىعارۋعا كومەكتەسەدى. سونىمەن قاتار، ليمون دەنەدەگى ارتىق مايدىڭ ىدىراۋىن تەزدەتىپ، سەمىرۋدىڭ دە الدىن الادى.
- سارىمساق پەن جۋانى ءجيى جەۋگە تىرىسىڭىز. بۇل ەكەۋىنىڭ ءيسى سىزگە ۇناماۋى مۇمكىن. الايدا، سارىمساق پەن جۋانىڭ قۇرامىندا ادام اعزاسىنداعى ارتىق زاتتاردى سىرتقا شىعاراتىن پايدالى ەلەمەنتتەر بار. سونىمەن قاتار، سارىمساقتىڭ باكتەريالاردى ولتىرەتىن قاسيەتى دە بار.
- الاتىكەن وسىمدىگىن قايناعان سۋعا شىلاپ ءىشۋدى ادەتكە اينالدىرىڭىز. الاتىكەن باۋىر كلەتكالارىن ۋلى زاتتاردان قورعايدى. قازاق، تيبەت مەديسيناسىندا الاتىكەن باۋىردىڭ ىستىعىن قايتارىپ، ەرىن كەبەرسۋ، ءىش قاتۋدىڭ الدىن الادى دەلىنگەن.
- كوكونىستى، س دارۋمەنىنە باي ورگانيكالىق ازىقتاقتاردى كوبىرەك تۇتىنىڭىز. قۇلپىناي، ليمون، جاسىل بۇرشاق، اپەلسين، قىزاناق، بۇلدىرگەن، جالبىز، اسكوك، قىرىققابات، كوكونىستەردىڭ قۇرامىندا س دارۋمەنى جانە باۋىرعا پايدالى ەلەمەنتتەر كوپ.
- باقباق جاپىراعىن قايناعان سۋعا شىلاپ ءىشىڭىز. جۇڭگو مەديسيناسىندا (شوپپەن ەمدەۋ) باقباق باۋىر قىزمەتىن جاقسارتىپ عانا قالماي، راكتىڭ دا الدىن الادى دەلىنگەن.
- ءدارىنى بەتالدى ىشپەڭىز. ءارقانداي ءدارىنىڭ اۋرۋعا شيپا بولۋىمەن قاتار، كەرى اسەرى دە بار. اسىرەسە، اۋرۋدى باساتىن دارىلەردىڭ باۋىرعا زالالى كوپ.
- كۇنىنە ءبىر الما جەڭىز. المانىڭ قۇرامىنداعى گيليكوزا ادام دەنەسىندەگى ەنەرگيانى تولىقتاپ قانا قالماي، باۋىر قىزمەتىن رەتتەۋگە وراسان زور پايداسىن تيگىزەدى ەكەن.
مۇنان سىرت، اراق-شاراپتىڭ، تۇندە ءجاي ۇيىقتاۋدىڭ، سپورتپەن اينالىسپاي، ارتىق سالماق قوسۋدىڭ دا باۋىرعا سالار سالماعى ەرەكشە. سوندىقتان، سالاۋاتتى ءومىر سالتىن ۇستانىپ، باۋىر قىزمەتىن قورعاۋعا قاشاندا ءمان بەرگەن دۇرىس.
قالياكبار ۇسەمحان ۇلى
6alash ۇسىنادى
