قازاق ۇلتى جۇننەن توقۋ ارقىلى دا تاماشا بۇيىمدار جاساعان.
كيىم-كەشەك، ىدىس، ءۇي جيھازدارىن، كيىز ءۇيدىڭ اشەكەي بۇيىمدارىن جاساعان. بۇلاردى جاساۋ ءبىرشاما كۇردەلى كەلەدى. ويتكەنى، كوبى قول بايلايتىن، ۋاقىتتى قاجەت ەتەتىن، اۋرەشىلىگى كوپ جۇمىس ەسەپتەلەدى. سول ءۇشىن وعان ۇلكەن يكەمدىلىك، شەبەر ىسكەرلىلىك، مول تاجىريبە مەن زەردەلىلىك قاجەت. مۇنى كىشكەنتاي وتباسىلىق شاعىن ءوندىرىس دەپ ايتۋىمىزعا ابدەن بولادى.
شەكپەن توقۋ ءۇشىن الدىمەن يىرىلگەن ءجىپ دايىن بولۋى شارت. قازاق حالقى ءجىپتى ءوز تۇسىندە ىستەتە سالماعان. جايلاۋداعى راۋ اعاش باستاعان ءتۇرلى شوپتەردىڭ نىلىنەن بوياۋ جاساپ، وعان الۋان ءتۇس بەرىپ قولدانعان. مۇنداي جىپتەن، شەكپەن، جاۋلىق، ورامال شىت، بايپاق، قولقاپ، تورسىم، شارپى، قۇر، باسقۇر، الاشا، اياققاپ، قاپ، جەمدوربا، داعار، دوربا، قورجىن، تاڭعىش قاتارلى بۇيىمداردى ىستەگەن.
6alash ۇسىنادى
