- جىبەك – بەتى تەگىس، جىلتىر، قىمبات ماتا.
- قامقا – زەرلى جىپتەن توقىلعان جىبەك ماتا.
- قاتيپا – جول-جولى بار جۇقا جىبەك ماتا.
- تورقا – ەڭ قىمبات جىبەك ماتا.
- پاسىل – جىبەك ماتا.
- تورعىن – قىمبات باعالى جىبەك ماتانىڭ ءبىر ءتۇرى.
- پاتسايى (باتسايى) – تىعىز توقىلعان جىبەك ماتانىڭ ءبىر ءتۇرى.
- بيقاساپ – ەنسىز جىبەكتەن توقىلعان جولاق ماتا.
- ءدۇريا – جىلتىراۋىق تىعىز جىبەك ماتا.
- بارشىن – جولاقتى جىبەك ماتا.
- ناسار – جىبەك كەزدەمە.
- قىرمىزى – جوعارى ساپالى قىزىل جىبەك.
- پاي (پايى) – تىعىز جىبەكتەن جاتىق بويالعان، كەڭ كولدەنەڭ ۇساق جولداردان تۇراتىن جىبەك ماتا.
- پارشا – التىن مەن كۇمىستى ارالاستىرا وتىرىپ تىعىز توقىعان جىلتىراق جىبەك ماتا جانە سول ماتادان تىگىلگەن قىمبات باعالى كيىم.
- قىمقاپ – التىندى، كۇمىستى ءجىپ ارالاستىرىپ توقىلعان قالىڭ جىبەك ماتا.
- سارپوڭكە – استارلىق جىبەك ماتا.
- بارقىت – تۇگى تىعىز جىبەك ماتا.
- شيبارقىت – بەت جاعى جول-جول بولىپ كەلگەن بارقىتتىڭ بەدەرلى ءتۇرى.
- بارشىن – جولاقتى جىبەك ماتا.
- قۇلپى – ءوڭى قۇلپىرىپ تۇراتىن جىبەك ماتا.
- قازينە – جىبەكتەن قالىڭدى-جۇقالى ەتىپ توقيتىن ماتا.
- تىبەن – ءتۇرلى ءتۇستى قالىڭ ماتا.
- ماقپال – تىعىز توقىلعان، قالىڭ، تۇكتى بارقىتتىڭ ءبىر ءتۇرى (قارا ماقپال، قوي ماقپال، قىرمىزى ماقپال دەگەن ءۇش ءتۇرى بار).
- ساتەن – ساپالى ماقتا جىبىنەن تىعىز ەتىپ توقىلعان جىلتىر ماتا.
- شاعي – جۇقا كەلگەن جۇمساق ماتا.
- شۇعا – جۇمساق مايدا تۇكتى ءجۇن ماتا.
- مانات – سىرت كيىمدىك بارقىت سياقتى باعالى شۇعا.
- ماۋىت (ءماۋىتى) – وڭ جاعى مايدا تۇكتى كەلگەن قالىڭ ماتا.
- قىجىم – ساپالى جۇننەن توقىلعان تۇكتى ماتا، پليۋش.
- قويقىن – جۋان جىپتەن توقىلعان قالىڭ ماتا.
- لاڭكە – سىرت كيىمدىك ماتانىڭ ءبىرى ءتۇرى.
- ۇشتاپ – اق ءتۇستى تىعىز ماتا.
- ءشوجىم – ءىش كيىمدىك، ارزانقولدى جۇقا ماتا.
- ساڭ – شىتتان قالىڭداۋ، اق ءتۇستى ماتا.
- شىت – جەڭىل ءارى ارزانقول جۇقا ماتا.
- بوياق – باتسايى تارىزدەس قالىڭ كەزدەمە.
- بويان – بويالعان ءبوزدىڭ ءبىر ءتۇرى.
- دابى – جۇقا اق ماتانىڭ ءبىر ءتۇرى.
- لامبوك – سىرت كيىمدىك سۋدىراعان جىلتىر قارا ماتا.
- ءبوز – ماقتادان توقىلاتىن جۇقا، ارزان قولدى ماتا.
- اڭدابى – جۇقا اق ماتا.
- اقساڭ – اق ماتا، سۇپى.
- سۇپى – جۇقا اق ماتا، اق دابى.
- سيسا – ماقتادان توقىلاتىن، ارزان باعالى، ءتۇرلى-تۇستى، جۇقا شىت ماتا.
- اسۇپ – اقزون، اق سيسا.
- باتەس – ماقتادان توقىلاتىن جۇقا اق ماتا.
- بورلات – قىزىل ءتۇستى جۇقا ماتا.
- بۇلدە – ساپالى، قىمبات ماتا.
- ۇلدە – قىمبات جۇقا ماتا.
- دوقابا – سىرتى تۇكتى بارقىتتىڭ جاقسى ءتۇرى.
- كەنەپ – كەندىر مەن زىعىر تالشىقتارىنان توقىلعان ماتا.
- ماساتى – جۇمساق، تۇكتى بارقىت، جىبەك ماتا.
- بەرەن – قىمبات اسىل ماتا.
- ماندالا – كوبىنەسە سىرت كيىم تىگەتىن، ساپالى دا باعالى شۇعا.
- دراپ – جۇننەن جاسالعان سىرت كيىمدىك ەكى قابات قالىڭ ماتا، ماۋىتى.
- كۇلدىر – ۇلبىرەگەن جۇمساق جىبەك ماتا.
- اتلاس – ءبىر جاق بەتى جىلتىر كەلگەن جىبەك ماتا.
- زون – جۇقا اق ماتا، باتەس.
- بومازي – جۇمساق، تۇكتى ماتا.
- سۇرىپ – شىتتان ءسال قالىڭ، جىلتىراق ماتا.
- سارجا – استارلىق ماتانىڭ سۋسىلداق، جىلتىر، مىقتى ءتۇرى.
- قۇماش – اسىل كەزدەمە.
- ۇلدىرىك – جۇقا شۇبەرەك، داكە.
- شۇبەرەك – قيىلعان، يا جىرتىلعان شاعىن ماتا.
- داكە – جۇقا، سەلدىر اق ماتا (كەي وڭىرلەردە داكەنى داكى، مارلى، ۇلدىرىك، شاراپشىن، بولەر دەپ تە اتايدى).
- لاستىك – سىرت كيىمنىڭ استارى، كورپەلىك رەتىندە كوپ قولدانىلاتىن، جىلتىر ماقتا ماتانىڭ ءبىر ءتۇرى.
- تەپتىك – ماقتادان نە زىعىردان توقىلعان ماتا.
- اقزۋ – اق ماتا، اق شىت.
- مەتكەتون – ماقتا ماتادان توقىلعان كەزدەمە، كەندىر ءجىپتى ماتا.
- الاەتەك – ءتۇرلى-تۇستى جولاقتى ماتا.
- تريكو – ءجۇن، ماقتا، ماتا جىبىنە حيميالىق تالشىق قوسىپ توقىلعان تىعىز، قالىڭ ماتا.
- ديشولاڭ – داكرون كەزدەمە، داكرون (تەريلەننەن توقىلاتىن كەزدەمە).
- ءپۇلىش – تۇكتى باعالى ماتا.
- شىلتەر – جىبەكتەن، ماقتادان نەمەسە ءجۇن جىپتەن سەلدىر ەتىپ توقىلعان اشەكەيلى بۇيىم.
بۇلاردان سىرت، تاپتا، مانا، بۇيداس، سىلاڭ، زيپۋىن، قاساپدار، قالامى، پوبرك، گرپ، ءشامبيزى، ديكا سياقتى اتاۋلار دا كەيبىر وڭىرلەردە قولدانىلعان. الايدا بۇل سوزدەردىڭ ءىشىنارالارى ماتانىڭ ساپاسىنا بايلانىستى باسقا ۇلت تىلدەرىنەن كىرگەن سوزدەر ەكەنىن دە ەسكەرگەن ءجون.
سوزدىكتەردەن رەتتەپ جيناقتاعان قالياكبار ۇسەمحان ۇلى
6alash ۇسىنادى
