- قازاقى دەرت-دەربەزدى مىڭ ادامنىڭ بويىنان مىسقالداپ ەمەس، ءبىر ادامنىڭ بويىنان تۇسپالداپ تا اڭعارۋعا بولادى.
- اكىم – سىيلانعان تۇلعا، اقىن – ويلانعان تۇلعا.
- ءتانىمىزدى جاپىراقپەن جاۋىپ جۇرەتىن تاعى شاعىمىزدا، قابات-قابات كيىنگەن بۇگىنىمىزدەن الدە قايدا ارلى ەكەنبىز دەپ ويلايمىن.
- ماحاببات تراگەديامەن ماڭگى، ال، مۇراتىنا جەتكەن، باياشات ماحابباتتى ماڭگى دەگەننەن كورى تۇرمىس دەپ اتاعان ءجون.
- قازاق تىرشىلىكتى «جالعان-اي» دەپ جالعىز اۋىز سوزگە سىيعىزعان. ال، مەن بولسام ومىرلىك جارىمنىڭ بويىنان دا شىنايىلىقتىڭ نىشانىن ىزدەپ ابىگەرمىن.
- ءوزىم بىلمەيتىنىم ايتەۋىر بىزدەر ەرتەڭگى ءومىردى قالاي وتىرىك باستاۋ ءۇشىن تۇنىمەن باس قاتىرىپ ءازىرمىز.
- اينالايىن انا ءتىلىم دەسەيشى، تەرەڭدىكپەن بيىكتىككە قالاي-قينالماي-اق بارا بىلەسىڭ؟ سەنى سولاي «سويقان» سويلەتكەن جۇمەكەندەي اقىنعا جۇما سايىن تاعىزىم ەتپەسەم كىنالى ادامداي كۇي كەشەمىن.
- جۇمەكەن جۇمباق ەمەس، ءوزىن-وزى شەشىپ تۇرعان اقىن. ەسەسىنە «قويان-بۇلتاق» زامان جۇمباق، ول كۇلكىدەن – كۇڭىرەنىس، باقىتتان – سور، سوردان – باقىت ىزدەگەن دارىن.
- اقىن دەگەن ءبىر-اق رەت ۇيىقتايدى.
- اڭعال حالقىم مەنى دە اقىن دەيدى-اۋ.
- دوس بولام دەسەڭ قايىر قىلماي-اق قوي، قايرىلىپ قاراساڭ بولدى.
- ەسىركەۋ – ادام تابيعاتىنداعى ەڭ جەكسۇرىن نىشان.
- شەكتەن تىس كىشپەيىلدىك – نە جاسىقتىقتىڭ، نە ايارلىقتىڭ بەلگىسى. ال «ماۋەلى اعاش» يىلسە ونىڭ ءجونى ءبىر باسقا.
- گەتە، بايرون، پۋشكين ەسىمدەرىن ەكىنىڭ ءبىرى بىلەدى، ولارعا تابىندى، ال ابايدى قانشا حالىق بىلەدى؟ ماسەلە قازاق ءتىلىنىڭ سالاۋاتىندا، ىقپالىندا، بولماسا اباي كىمنەن كەم؟
- ءبىز باسقالاردىڭ الدىندا ءوز انا ءتىلىمىزدى سويلەۋدەن دە ارلاناتىن دارەجەگە جەتتىك. ۇلت ءۇشىن، ۇرپاق ءۇشىن وسىدان وتكەن زاۋال جوق.
- سەنىم بولماعان جەردە سەرت سەلگە كەتەدى.
- ەشبىر ادام قولى جەتكەن نارسەسىن قادىرلەپ كورگەن ەمەس، ەسەسىنە ەرتەڭىنە ەمىنىپ، بۇگىنىن بۇلدىرەدى.
- ۇلتىن سۇيمەگەننىڭ ۇرپاعىنان ءۇمىت كۇتپە.
- رۋحاني ۇرەي حالقى ءۇشىن دە، جالپى ءۇشىن دە قاتەرلى!
- جۇتىپ تاۋىسا المادىق، جۇتىلىپ كەتپەسەك يگى ەدى.
- قىرىققا كەلگەنشە قىرىمنان جاتقانىم جەتكەن شىعار، ەندى مەندە ەل قۇساپ شالقالايىن.
6alash ۇسىنادى
