بالاسىنىڭ بويىنىڭ الاسالىعىنا كوپتەگەن اتا-انالار ءمان بەرمەيدى. «كەيىن ءوسىپ كەتەدى» دەپ نەمقۇرايدى قارايدى. ناعىندا بالانىڭ بويىنىڭ ءوسۋ مەزگىلى 14 جاستان بۇرىن ەكەنىن بايقاعان عالىمدار، وسى مەزگىلدە بالالار ءسۇتتى كوپ ىشسە، بويشاڭ بولادى دەگەن تۇجىرىمعا كەلگەن.
بويدىڭ بيىك-الاسالىعى ادامنىڭ دەنە ساپاسىنىڭ سىرتقى ولشەمى عانا ەمەس، جۇمىسقا ورنالاسۋ، نەكەلەنۋ ىستەرىنە دە بەلگىلى دارەجەدە ىقپال جاسايتىن تۇيىندەردىڭ ءبىرى. سوندىقتان اتا-انالار بۇل ماسەلەنى ەلەۋسىز قالدىرماي، بالالارىن عىلىمىي ازىقتاندىرعانى ءجون.
بويدىڭ بيىك-الاسالىعى تۇقىم قۋالاۋمەن، جاساعان ورتاسىمەن، ازىقتانۋىمەن تىكەلەي قاتىستى. 14 جاساتان ىلگەرى بالالاردىڭ بۋىندارى تولىق قاتايا قويماعاندىقتان، بويىنىڭ ءوسۋ مۇمكىندىگى زور بولادى. جۇرتتىڭ كوبى بالالاردىڭ بويىنىڭ بيىك-الاسالىعىن كالسيدىڭ كوپ-ازدىعىمەن بايلانىستىرادى، بۇل دۇرىس ۇعىم ەمەس. بويدىڭ الاسا بولۋى كالسيدىڭ كەمدىگى ەمەس، كەرىسىنشە D دارۋمەنىنىڭ كەمدىگىمەن قاتىستى.
بالا بويىنىڭ الاسا بوپ قالۋىنان ساقتانۋ ءۇشىن الدىمەن، بالا ۇيقىسى قانىپ ۇيىقتاۋى كەرەك. سەبەبى بوي وسىرەتىن گورموننىڭ ءبولىنىپ شىعاتىن مەزگىلى ءار كۇنى كەشكى ساعات 9 دان، تاڭعى 5 ارالىعى. وسى مەزگىلدە بالانىڭ ۇيقىسى قانىپ، جاقسى دەم السا، بوي وسىرەتىن گورموننىڭ كوپ مولشەردە ءبولىنىپ شىعۋنا تۇرتكى بولادى. سونىمەن قاتار، جوعارىدا ايتقانىمىزداي، ءسۇتتىڭ بوي وسىرۋگە كومەگى كوپ. بويى الاسا بالالار تاڭەرتەڭ، كەش ءبىر شىنى ءسۇت ءىشىپ تۇرسا، بويىنىڭ تەز وسۋىنە پايدالى. سپورتپەن شۇعىلدانۋ دا بالا بويىنىڭ وسۋىنە وڭ اسەرىن تيگىزەدى.
6alash ۇسىنادى
