موڭعولياداعى قازاق ادەبيەتتانۋ عىلىمىنىڭ كوشباسىندا تۇرعان جازۋشى، سىنشى، اۋدارماشى، فيلولوگيا عىلىمدارىنىڭ دوكتورى، پروفەسسور قابيداش قالياسقار ۇلى 81 جاسىندا دۇنيەدەن وزدى.
موڭعولياداعى قازاق ادەبيەتتانۋ عىلىمىنىڭ كوشباسى جازۋشى، سىنشى، اۋدارماشى، فيلولوگيا عىلىمدارىنىڭ دوكتورى، پروفەسسور قابيداش قالياسقار ۇلى
قابيداش قالياسقار ۇلىنىڭ قازاق رۋحانياتىنا سىڭىرگەن ەڭبەگىن ءسوز ەتكەندە، باي-ولكەدەگى ات توبەلىندەي قازاقتىڭ اۋىز ادەبيەتىنەن باستاپ، حالىق اقىندارىنىڭ جىرلارىن جيناۋدا، اسىرەسە، اقىت قاجىنىڭ شىعارمالارىن ەل اراسىنان جيناپ، قاجىنىڭ اتى اتالمايتىن ۋاقىتتا "ءبىر اقىن ايتىپتى" دەپ جاريالاپ كىتاپتارىن باستىرعان ەرەسەن ەڭبەگىن بولەك اتاۋعا بولار.
سونداي-اق موڭعولياداعى قازاق ادەبيەتىن زەرتتەپ، زەردەلەپ 5 تومدىق ەڭبەك جازىپ، وتاندىق ادەبيەتتانۋ عىلىمىنا ولشەۋسىز ۇلەس قوسقان اعامىزدىڭ ەڭبەگى ۇمىتىلماق ەمەس. "مادەني مۇرا" باعدارلاماسىمەن جارىق كورگەن "بابالار ءسوزى" 100 تومدىق اۋىز ادەبيەتى جاۋھارلارىن شىعارۋدا قابيداش قالياسقار ۇلى جيناعان ادەبيەت نۇسقالارى دا پايدالانىلعان بولاتىن.
قالياسقار ۇلى قابيداش – 1938 جىلى 18 قاراشادا مونعوليانىڭ بايان-ولگەي ايماعىنىڭ اقكول ەلدى مەكەنىندە تۋعان. ورتا مەكتەپتى اياقتاپ، الماتىداعى اباي اتىنداعى پەداگوگيكالىق ينستيتۋتىنىڭ تىل-ادەبيەت، تاريح فاكۋلتەتىن بىتىرگەن (1963).
- - موڭعوليا قازاقتارىنىڭ حالىق اۋىز ادەبيەتىن تۇڭعىش جيناپ، زەرتتەگەن عالىم.
- - 1973 جىلى – الماتى قالاسىنىڭ قاز.سسر عا-نىڭ م.و.اۋەزوۆ اتىنداعى ادەبيەت جانە ونەر ينستيتۋتىندا كانديداتتىق ديسسەرتاسياسىن قورعادى.
- - 1992 جىلى – دوكتورلىق ديسسەرتاسياسىن قورعادى.
- - 1963-1994 جىلدار ارالىعىندا بايان-ولگەي قالاسىنىڭ قازاق ورتا مەكتەبىنىڭ ءمۇعالىمى، كتم-نىڭ ديرەكتورى، ايماقتىق وقۋ ءبولىمىنىڭ مەڭگەرۋشىسى، محر عا-نىڭ بايان-ولگەي فيليالى – قوعامدىق عىلىمدار ورتالىعىنىڭ ديرەكتورى بولىپ ىستەدى.
- - 1994 جىلى قازاقستانعا كوشىپ كەلىپ، تالدىقورعان قالاسىنىڭ ءى.جانسۇگىروۆ اتىنداعى ۋنيۆەرسيتەتىندە قىزمەت اتقارىپ زەينەتكە شىقتى.
قابيداش قالياسقار ۇلىنىڭ جارىققا شىققان ەڭبەكتەرى:
- - بايان – ولگيي قازاقتارىنىڭ اۋىز ادەبيەتى. ولگيي، 1969 ج.
- - حالىق جىرلارى. ولگيي، 1970ج.
- - حالىق اقىندارى. ولگيي، 197 ج.
- - «احتان بابي ۇلى». ولگيي، 1978 ج.
- - مونگوليا قازاق ادەبيەتى - 2
- - مونگوليا قازاقتارىنىڭ ادەبيەتى. ولگيي، 1993ج.
- - مونگوليا قازاق ادەبيەتى – 3.
- - «جەكپە – جەك». ولگيي، 1993ج.
- - «اقىت ءۇلىمجى ۇلى» (جىر، تولعاۋ، قيسالار). ولگيي، 1994ج.
- - مونگوليا قازاق ادەبيەتى – 1.
- - «حالىق جىرلارى». ولگيي، 1995ج.
- - حالىق جىرلارى. ولگيي، 1995ج.
- - مونعولياداعى قازاق ادەبيەتى. الماتى، «ارىس» 2009ج.
- - «اقىت ءۇلىمجى ۇلى» (ولەڭ، تولعاۋ، جىرلار). پاۆلودار، 2010ج.
- - «تۇعان ەلدىڭ توسىندە» (نوگونورىم مەنىڭ). تالدىقورعان، 2012ج.
- - بابالار ءسوزى: ءجۇزتومدىق. مونعولياداعى قازاق فولكلورى №79 توم، استانا: «Φوليانت»، 2011ج. – تومدى قۇراستىرىپ، باسپاعا دايىنداعان.
اعامىزدىڭ قازاق ادەبيەتىنە سىڭىرگەن ەڭبەكتەرى جوعارى باعالانىپ، قازاقستان رەسپۋبليكاسىنىڭ مىناداي باستى ەنسيكلوپەديالارىنا ەنگىزىلگەن:
- - قازاق سوۆەت ەنسيكلوپەدياسى - №6 توم، الماتى، 1975ج.، 425-426بەت؛
- - قازاق ءتىلى ەنسيكلوپەديا - «IDK-TIPO» رەداكسيالىق-باسپا ورتالىعى، الماتى، 1998 ج.، 221-بەت؛
- - قازاق ادەبيەتى ەنسيكلوپەديا - «بىلىك» باسپا ءۇيى، الماتى، 1999ج.، 398-بەت؛
- - كتو ەست كتو ۆ كازاحستانسكوي ناۋكە - «قازاق ەنسيكلوپەدياسى»، الماتى، 1999ج.، 75-بەت؛
- - قازاق ادەبيەتى – ەنسيكلوپەديالىق انىقتامالىق، ا-يا، «ارۋنا» باسپاسى، الماتى، 2005ج.، 311-بەت.
ايگىلى عالىم مالىك ءعابدۋلليننىڭ سوڭعى اسپيرانت شاكىرتى، سانالى عۇمىرىن قازاق ءسوز ونەرىنە ارناعان تۇلعا قابيداش قالياسقار ۇلىنىڭ تۋعان-تۋىستارىنا، شاكىرتتەرىنە قازانىڭ ارتى قايىرلى بولسىن دەپ كوڭىل ايتامىز.
Adebiportal.kz پورتالىنان
