Kúıshi kompozıtor kúı ónerin zertteshi Muqash Tańǵytuly QHR Shýar Toly aýdanynda 1962 jyly 15-shi jeltoqsanda dúnıege kelgen. Kúıshi dombyrany bala kezinen bastap úırengen. Keıin kele qytaı elindegi qazaqtar arasynda tanymal kúıshi bolǵan.
Kúıshi Muqash Tańǵytuly 1990 jyldardan bastap qytaı elinde 19-20 ǵasyrlarda jasaǵan qazaq kúıshileriniń ómir joly men óner jolyn zertteı bastaǵan. Halyq arasynan sol buryn ótken kúıshilerdiń kúılerinen 200 den astam kúı jınap ol kúılerdi qytaı elinde kúı tabaq jáne kitap etip shyǵaryp el arasyna taratqan.
Kúıshi kompozıtor, kúı ónerin zertteshi - Muqash Tańǵytuly
M.Tańǵytuly 2001 jyly tarıhı otany Qazaqstanǵa qonys aýdarǵan. Kezinde ózi jınaǵan kúılerden 200-den astam kúıdi Qazaq eline ala kelip "Qazaq radıosy" "Shalqar radıosy" jáne otandyq tele arnalarda ózi oryndap Qazaqstan halqyna keńinen násıqattady.
Kúıshi Muqash ózi ákelgen kúılerden qazaq radıosynyń "Altyn qoryna" 70-ten asa kúıdi ózi oryndap jazdyrdy. "Qazaqtyń 1000 kúıi", "Máńgilik saryn", "Qazaqtyń 500 kúıi amanat", "Uly dala sazy", qatarly otandyq kúı albomdaryna ózi oryndap Qytaıdaǵy qazaqtardyń kóptegen kúılerin engizdi.
M.Tańǵytulynyń eńbegin joǵary baǵalaǵan Qazaqstan parlamenti depýtattary 2009 jyly 19 mamyrda Astana qalasynda prezıdenttiń mádenıet ortalyq saraıynda "Altaıdyń ar jaǵynan kelgen shertpe kúıler" degen kúı keshin ótkizdi. Keshti QR parlamenti májilisiniń depýtaty Ýálıhan Qalıjanov júrgizdi. Keshte QR prezıdenti Nursultan Ábishuly Nazarbaev quttyqtaý alǵys hatyn joldady.
2012 jyly shilde aıynda QR Muqtar Áýezov atyndaǵy ádebıet jáne óner taný ınstıtýteti kúıshi Muqash Tańǵytulynyń 50 jasqa tolýyna baılanysy Almaty qalasynda kúı keshin joǵary deńgeıde ótkizdi. Muqash Tańǵytuly Qazaqstan eline kelgeli beri Astana, Almaty, Taldyqorǵan qalasy qatarly oryndarda 7 ret kúı keshin ótkizdi.
Muqash Tańǵytuly osyǵan deıin 3 kúı zertteý kitabyn, 4 sd kúı tabaq, 1 dvd kúı tabaq, 2 kúı taspa shyǵardy. Kúıshi óz janynan 22 kúı, 40 tan astam án shyǵarǵan kompozıtor. Muqash Tańǵytuly bul kúnde alyp shaqar Almaty qalasynda turady.
Muqash Tańǵytulynyń ózi oryndaýyndaǵy kúıleri.
"Kereı shertpesi"
«Muqashtyń shalqymasy»
"Ótken kún"
''Keıingi el''
"Hamzın sazy"
''Aıjamal''
"Toqtar batyr"
''Jáıilǵan''
"Tańǵyt"
"Zaman"
''Jáısań''
6alash usynady
