Aqymjannyń qońyry (Aqymjan)
Qalıaqparuly Beıilhan
Aıtýly sybyzǵyshy – Beıilhan Qalákbaruly 1952 jyly Úrimji aýdanynyń Saıapyl degen jerinde qarapaıym malshy otbasynda dúnıege kelgen. 1960 jyldan 1965 jylǵa deıin Banfangý aýyly Dińságý qystaǵyna qarasty mektepten bastaýysh bitirgen. Keıin otbasynyń qıynshylyq jaǵdaıynan joǵarylap oqı almaǵan.
Bekeń qoǵamǵa aralasqan sol jyldary kolektvtiń jylqysyn baǵatyn ákesine qolǵanat bolǵan. Qurysh tuıaq, qyl quıryq degdar túliktiń sońyna túsken qarshadaı ul óziniń qyzyǵýshylyǵymen, boıyndaǵy tylsym talanttyń jeteleýimen quba dalanyń qýys qýraıyn qolyna alyp, odan sazdy ún shyǵaryp, jansyz dúnıeni saıratady.
Mine, osylaısha bolashaq sybyzǵy óneriniń sańlaǵy darqan dalany sahyna etedi. Onyń tekti talanytynan týǵan saryndy kúılerdi ata taýlar jambastaı jatyp, ana dala ańqyldaı turyp, jeńge bulaq, qyz orman sylyq-sylyq kúlip súıine tyńdaıdy.
Beıilhan, el ishindegi ataqty kúıshi Shettikbaı qajynyń uly Bólenhandy ustaz tutyp, úırengen kúıleriniń kem-ketik jerlerin ol kisiden tolyqtaıdy.
Qajyrlylyqty qanat, halyq qurmetin shabyt dep bilgen Beıylhan Qalıakbaruly, bul kúnderi tórt atadan beri ulasqan tekti ónerdiń ózegin úzbeı, úrdisin buzbaı jalǵastyryp keledi.
Bekeń 1988 jyly Qytaıdyń Lıaýnıyń ólkesiniń Dalán qalasynda búkil memileket boıynsha tuńǵysh ret ozdyrylǵan Qytaı kórkemónerpazdary merekesine qatynasyp, halqymyzdyń sybyzǵy aspabyn tuńǵysh ret ishki ólke sahynasynda saıratady.
1992 jyly Túrkıanyń Astanasy Stambýl qalasynda ótkizilgen 11-kezekti kartal halqaralyq óner festvaline qatynasyp, sol joly 1-dárejeli júldeni enshilep, dańyqpen oralady.
2005 jyly Shınjáń televızıasy Bekeńdi usynys etip shaqyryp, 30 dan astam kúıin altyn qorǵa engizdi, sonymen qatar onyń ómirimen eńbek jolyn kógildir ekran arqyly kópke tanystyrdy.
Bekeń 2007-2008 jyldary Qazaqystan respýblıkasynyń Almaty qalasynda «Máńgilik saryn» degen atpen ótkizilgen óner toıyna, Qazaqystan respýblıkasynyń mýzıka mamany Talǵat Muqyshovtyń erekshe shaqyrtýymen qatynasyp, sol eldiń «Jádiger» degen ataǵyn alady ári qarjylaı marapattalady.
Mine osy saparda Bekeńniń oryndaǵan kúıleri «Myń bir kúı» atty altyn qorǵa saqtalý mártebesine ıe bolady.
2019 jyly kúz maýsymynda Qazaqystan respýblıkasynyń Jezqazǵan qalasynda ataqty kúıshi Ketbuǵanyń 900 jyldyǵyna arnalǵan halqaralyq mereı toıǵa usynyspen qatynasyp, ataqty «Aqsaq qulan josyǵan» kúıin sybyzǵyda oryndap arqa jurtynyń aıyzyn qandyryp qaıtty.
Bekeń osy kúzde taǵy da Qytaı ortalyq televızıanyń arnaıy shaqyrýymen Bıjıyń qalasyna baryp, sybyzǵy kúılerin elimizdiń bas televızıasynyń altyn qoryna syılady.
Qanatbek Zaıtollauly
6alash usynady
