Qanat Islamuly (13 qyrkúıek 1984 jyl, Shyńjań, Qytaı) — qazaq kásipqoı boksshysy, WBA FedeCaribe tujyrymynyń chempıony. Iaǵnı, Qanat Islam ortasha jeńil salmaq boıynsha Karıb aımaǵynyń úzdigi. Áýesqoı boksshy retinde Qytaı Halyq Respýblıkasy Ulttyq qurama komandasynyń quramynda Pekın Olımpıadasynyń qola júldegeri, Chıkagoda ótken Álem chempıonatynyń (2007) jáne Azıa oıyndarynyń (2006) qola júldegeri. Qytaıdyń 10 dúrkin chempıony. Ulty - qazaq. 2010 jyly azamattyǵyn aýystyryp, atamekeni Qazaqstanǵa kóship kelip "Astana Arlandary" kásibı klýbynyń múshesi bolyp 2012 jylǵa deıin óner kórsetken. Qazir kásipqoı boksshy, Nelson promoýterlik klýb atynan shyǵyp 12 jekpe jek ótkizip onyn nokaýtpen jeńiske jetken. Laqap aty - Qazaq.
Úrimshi qalasyndaǵy Pedagogıkalyq ýnıversıtetti 2009 jyly támamdady. Sportty basqarý jáne zertteý mamany.
Qanattyń London olımpıadasyna qatysýyna Qytaı tarapy qarsylyq kórsetti. AIBA bul máseleni qarastyryp, Qanatqa Qazaqstan atynan saıysqa túsýge ruqsat berdi. Alaıda Qanat ulttyq qurama komandanyń bapkerleriniń tarapynan qoldaý tappady. London Olımpıadasyna qatysa almady. Óziniń bokstaǵy ómirin kásibı bokspen baılanystyrýda. AQSH promoýterlerinen de birneshe shaqyrtý alǵandyǵyn habarlady.
Qanattyń atamekenge oralýyna Qazaqstan qurama komandasynyń burynǵy Bas bapkeri Tursynǵalı Edilov jáne Almaty oblysynyń áýesqoı boks federasıasynyń prezıdenti Baýyrjan Ospanov sebepshi bolǵan.
Qazirgi tańda: WBA BOIYNSHA 1- ORYN, IBF BOIYNSHA 3- ORYN, WBO BOIYNSHA 2- ORYN, Al jalpy esep BoxRec reıtnıgy boıynsha 35 orynda turaqtaǵan.
Qanat 2012 jyly Arlandar sapynan ketip qyrkúıekte AQSH-tyń «Nelsons» atty promoýterlik kompanıamen eki jylǵa kelisim-shartqa otyrǵan. 15 jekpe-jekte túgeldeı aıaqtap jeńiske jetti: Qazaq boksshysy osyǵan deıin Domınıkan Respýblıkasynyń bes boksshysymen kezdesip, barlyǵyn nokaýtpen jeńgen.
- Danıed Veaton – Domınıkan Resp. (La-Ramano qalasy, 28 qyrkúıek),
- Aneıdı Matres – Domınıkan Resp. (2 qazan),
- Modesto Felıks – Domınıkan Resp. (Santo-Domıngo, Qazannyń 18-i),
- Nelsıdo Mıgýel – Domınıkan Resp. (nokaýtpen, 29 qazan),
- Hose Antonıo Rodrıges – Domınıkan Resp. (úshinshi raýndta toqtatylyp nokaýtpen, qarashanyń 10-y),
- Segýnda Herrera – Kolýmbıa (ekinshi raýndta jeńdi, Bogota, qarashanyń 24-i),
- Reınaldo Eskýıvıa – Kolýmbıa (altynshy raýndta taza jeńis, Pýerto-Kolýmbıa, jeltoqsannyń 3),
- Hýmberto Toledo – Ekvador (birinshi raýndtyń 32 cekýndtynda esinen tandyryp taza jeńis, Pýerto-Kolýmbıa, jeltoqsannyń 16),
- Aleksıs Martınes – (ekinshi raýndta taza jeńis, AQSH, Maııamı, sáýirdiń.
Maıamı qalasynda jattyǵady. Qanat Islam qazir Dúnıejúzilik boks keńesiniń (WBC) erejesi boıynsha álem chempıony ataǵyna talasýǵa múmkindigi bar. WBC erejesine sáıkes Qanatqa reıtıńi joǵary 40 boksshydan ozý úshin barlyq jekpe-jekterinde jeńiske jetý kerek.
Úzdik 15-tiń sapyna kirgen jaǵdaıda jartylaı orta salmaqtaǵy qazirgi álem chempıony "jeńilmeıtin qabylan" degen laqap aty bar AQSH boksshysy Floıd Meıýezermen (43 jekpe-jek, 43 jeńis) kezdesýi múmkin. WBO reıtıńine ilinip, úzdik 15-tiń qataryna ilinbese, Meıýezer onyń jekpe-jekke shyǵý týraly usynysyn qabyldamaıdy. Al AQSH boksshysyn jeńse, kásipqoı bokstyń erejesi boıynsha Qanat Islam álem chempıony atanady.Qanat Islam jetinshi joly kolýmbıalyqty jeńdi Bıylǵy jyly ıaǵn 2019 jyldyń 5- shildesinde Qazaq elinde ótken jekpe jeginde qarsylasyn 14 sekýndta sulatyp salyp WBO Inter-Continental sper welterweight tıtýlyn jeńip aldy.[2]Buǵan deıin boks patshasy atanǵan Maık Taıson qarsylasyn 13 sekýndtta qulatqan eken,bulda qazaq úshin asa úlken bedel men jeńistiń biri bolmaq.
