Zarýan Isashuly 1912 jyly Shińgil aýdanynyń Shilbulaq jaılaýynda, Záńgi otbasynda dúnıege kelgen. Ol jastaıynan dombyraǵa áýestenip, sol tustaǵy áıgili kúıshilerden tálim alǵan. Kúli qazaqqa aty áıgili kúıshi Shalap, Beısenbi kúılerin naqyshyna keltire shertip, 15-20 jastarynda saldyq qurǵan adam. Ári ózide kúı shyǵarǵan ónerpaz.
Zarýannyń «Kórikti shińgil», «Jibek jiıren», «Qosyn tory» qatarly kúıleri bar. Bulǵynnyń Jalpaǵy degen jerinde Ospan batyrdy aq kıizge otyrǵyzyp han kótergende, tóńkeristiń bel ortasynda bolyp, kúı shertip toıdyń dúbirin qyzdyrýshylardyń biri bolǵan.
Zarýan Isashuly 1979 jyly Altaı aımaǵynyń 3-kezekti aqyndar aıtysyna qatynasyp, kóptegen halyq kúılerin dombyrada oryndap jurttyń jaqsy baǵasyna ıe bolǵan edi. Ol kisiniń «Kórikti shińgil» atty kúıi Shınjań halyq baspasynda shyǵarylǵan «Jırmanynshy ǵasyr Qytaı Qazaq sazgerleri» atty kitapqa engizilgen.
«Mura» jýrnalynyń 2010 jylǵy 5-sanynda sýretimen basyp kúıshilik óneri arnaýly tanystyrylǵan. Marqum Zarýan Isashuly artyna ólmes asyl muralar qaldyryp 1998 jyly 86 jasynda bul dúnıemen máńgilikke qoshtasty.
Zarýan Isashulynyń kúıleri
derekti usynǵan: Tólegen QUMARULY
6alash usynady
