Arǵy bette turatyn qandas qalamger Maqpal Máýlihanqyzynyń úsh kitaby jaryq kórdi. Kitaptar "Áıeldiń aıtar syry kóp" (shalqyma), "Sanadaǵy sýret" (áńgime, povest) jáne "Jazǵym kelmegen óleńderim" (óleńder jınaǵy) dep atalady.
Shalqyma – tarıhı kórshimiz Qytaı eliniń ádebıetindegi janrlardyń biri. Atap aıtqanda, Qytaı ádebıetinde proza, poezıa jáne dramadan syrt, sanýin atty janr bar. Sanýin janryn QHR-da turatyn qazaq ádebıetshileri shalqyma dep aýdarǵan. Shalqyma janry boıynsha jazylǵan shyǵarmalarda oı men sezimdi erkin kósilte jazý kózdeledi. Qarapaıym sózben aıtqanda, shalqyma – óleń men qara sózdiń ortasyndaǵy kóńil-kúı men obrazdy oıdy tógilte jazatyn janr. Qytaı halqynda shalqyma jazýshylar óte kóp. Qytaıdaǵy qandastarymyzdyń ádebıetinde osy janrda qalam terbeıtin azdy-kópti aǵabýyn jazýshylar bar.
Maqpal Máýlihanqyzy atalǵan janrda jáne poezıa men prozada qalam terbep júrgen qalamger. Qazaq elinde tuńǵysh ret qatar shyqqan úsh kitabyn oqyrman qaýymǵa usynyp otyr. Jańa leppen, ózgeshe janrmen jazylǵan bul kitaptardy oqyrman jyly qabyldary daýsyz.
Kitaptardyń barlyǵy jalpy kópshilik oqyrmanǵa arnalǵan.
