Ánýarbek Nyǵmetjanulynyń tańǵajaıyp daýysy qazaq halqynyń qulaǵynda máńgi saqtalyp qaldy. Sol ataqty dıktordy ózine kásibı de, rýhanı da ustaz tutqan, daýysymen talaıdy tamsandyryp, aǵa jolyn qýǵan Muratbek Tesebaı da birtýar dara talant ıesi. Salıqaly eńbek jolynyń 58 jylyn radıoǵa arnaǵan, efırden tolyǵymen 50 roman oqyǵan ardager jýrnalıs.
Ábdijámil Nurpeıisovtiń «Qan men ter» trılogıasyn, Ǵabıt Músirepovtyń «Qazaq soldatyn», Sábıt Muqanovtyń «Botagózin», Ázilhan Nurshaıyqovtyń «Mahabbat, qyzyq mol jyldar» romandaryn da oqyp, tyńdarmandardyń ystyq yqlasyna bólengen Muratbek Tesebaev 1995 jyly hakim Abaıdyń 150 jyldyq mereıtoıyna oraı, «Abaı joly» romanyn radıoda 160 kúnge bólip, 80 saǵat oqyǵan bolatyn. Qazirge deıin Shyńjań halyq radıosynan 3 ret taratylǵan bul roman búgin de kóp qazaqtyń uıaly telefonyna saqtap, jol júrse mashınasynda tyńdaıtyn aýdıosyna aınalǵan.
Qaıtqanda
6alash usynady
