Almatyda «Sańlaq» atty jańa kitap basylyp shyqty. «Sańlaqtyń» jóni ózge kitaptardan bólek, arqalaǵan júgi aýyr, úlken táýekeldiń jemisi ekeninen habardar boldyq. Kitaptyń avtory Dáýren Baqytqajyuly. Talaı jyldyq izdenister nátıdesinde oqyrmanmen júzdesý aldynda turǵan «Sańlaqtyń» aıqara betinde mynadaı ańdatpa berilgen:
«Bul tanymdyq fotoalbomǵa Ata jurtymyz Qazaqstandy aıtpaǵanda, álemniń 15 elinde tarydaı shashylyp júrgen, Álem sportynda ózindik orny bar, 500-den astam qazaq sportshynyń tarıhy, jetistikteri foto sýretterimen qosa berildi. Qurastyrýshynyń birneshe sheteldi aralap, segiz jylǵa sozylǵan izdenisiniń arqasynda jınaqtalǵan eńbek el ıgiligine jarary sózsiz.
Kitap qazaq sportynyń tarıhyn zertteýshilerge jáne jalpy oqyrman qaýymǵa arnalady».
İshiniń de, syrtynyń da salmaǵy zor, zerli eńbektiń tusaýy aldaǵy ýaqyttarda Almatyda kesiledi eken. Kitapty jobalaýshy, sýrteshi, dızaıner Adal Qalıbektiń aıtýynsha, atalǵan eńbektiń oqyrman rýhyna silkinis ákeleri daýsyz. Sebebi, alys-jýyqtaǵy aǵaıynnyń arasynan top jaryp, álemdik arenaǵa kóterilgen qazaqtyń apaıtós balýandarynan bastap, sporttyń ár salasynda mańdaıy jarqyraǵan biliktirlerimizdiń eseli eńbekteri tuńǵysh ret kitap bolyp jınaqtalyp otyr eken. Kitap «Ádebıet» baspa úıi arqyly oqyrmanǵa jol tartýda.
«Ósetin el óziniń ótken-ketkenin túgendeıdi» degendeı, Dáýren Baqytqajyulynyń jan súıinter jańalyǵyn alǵashqy bolyp oqyrmanǵa «Arqaý» saıty arqyly jetkizýge asyqtyq.
Ádilet Ahmetuly
