Qyryq sanynyń kıesin Qurannan bastaıyq... 40 kúnde bir tamshy uryq sý – qanǵa aınalady, 40 kúnnen keıin etke, taǵy 40 kúnnen keıin súıekke, odan 40 kúnnen keıin et pen súıekke jan bitedi, jáne 40 kún ótken soń jan – et pen súıekti adam pishinine aınaldyrady. Sodan 40 kún ishinde shaqalaqqa sezim músheleri damıdy, taǵy qyryq kúnde bala tolysady, sonymen 280 kúnde, ol degen – 40 apta, 9 aı 9 kúnde náreste ómirge keledi. Qazaqtyń salty boıynsha dúnıege kelgen náresteniń 40 shyǵaryp, «Qalja» – qyzdyń tórkini aparady. Sebebi, tabıǵy zańdylyq boıynsha náresteniń súıegi men eti qosylady, adam boldy degen osy. Balany 40 qasyq sýǵa shomyldyrady jáne 40 tileý tileıdi.
Al máıitti jerlegende, adam 40 qadam beıitten ketkennen keıin, suraq-jaýap bastalady.
Adam barsakelmeske ketkennen keıin 40 ótkizedi, onyń sebebi eti men súıegi ajyraıdy.
Bul 40 sanynyń kıesi úlken, sol sebepten 40 kelgen adam týǵan kúnin toılamaıdy, sadaqa beredi.
Qazaqtar kezinde kıiz úı tikkende, úı arasy 40 qadam bolǵan.
Maldy bordaqylaǵanda, jylqyny jemdegende 40 kúnge jetkizgen.
Arǵyn rýlary qasqyrdyń bas súıegimen er balanyń basyna 40 márte sý quıǵan, onyń sebebi, bala qaıratty, qýatty, tózimdi batyr bolsyn dep yrymdaǵan.
Kelin túsirip otaǵasynyń bosaǵasyny attarda, 40 ańnyń terisiniń ústinen ótkizedi.
«Qyzǵa qyryq úıden tıym», «Otyz kún oıyn, qyryq kún toıyn», «Otyzynda orda buzǵan, qyryqynda qyr buzbaıdy», «Qyryqtyń biri – Qydyr» - dep bosqa aıtpaǵan.
Rasynda da ata-babalarymyz tabıǵatpen baılanysyp, álemniń qyr-syryn jaqsy bilgen. Tylsym kózge kórinbeıtin dúnıeniń jumbaǵynyń sheshimin ashyp, urpaqqa jalǵastyryp otyrǵan. Salt-dástúrdi umytsaq el bolmaımyz.
40-kúnde vırýstyń da beti qaıtatyn shyǵar...
B.Eshmaǵambetov
6alash usynady
