نۇر-سۇلتان، 2 قىركۇيەك. قازاقستان پرەزيدەنتى قاسىم-جومارت توقايەۆ قازاق ءتىلىن ۇلتارالىق قاتىناس تىلىنە اينالدىرۋ ءۇشىن جۇمىلا جۇمىس جۇرگىزۋگە شاقىردى، دەپ حابارلايدى Sputnik قازاقستان ءتىلشىسى.
"ەلىمىزدەگى ەتنيكالىق توپتاردىڭ ءتىلى مەن مادەنيەتىن دامىتۋعا جاعداي جاساي بەرەمىز. قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى دەپ ەسەپتەيمىن. ءبىراق مۇنداي دارەجەگە جەتۋ ءۇشىن ءبارىمىز داڭعازا جاساماي، جۇمىلا جۇمىس جۇرگىزۋىمىز كەرەك"، - دەدى توقايەۆ جولداۋىندا.
ول ءتىل ۇلكەن ساياساتتىڭ قۇرالى ەكەنىن دە ۇمىتپاۋ قاجەت دەدى.
"بەلسەندى ازاماتتىق قوعام قۇرۋ ءۇشىن ۇكىمەتتىك ەمەس ۇيىمداردىڭ بەدەلىن ارتتىرۋ قاجەت دەپ سانايمىن. سوندىقتان جاقىن ارادا ازاماتتىق قوعامدى دامىتۋدىڭ 2025 جىلعا دەيىنگى تۇجىرىمداماسىن ازىرلەپ، قابىلداۋىمىز كەرەك"، - دەدى پرەزيدەنت.
