ولەڭدى كوپ جازۋمەن ەمەس، ولمەس ولەڭ جازۋمەن دە ولشەنەتىن ءتۇستارى بار. ولەڭنىڭ قاس قارا نارى اتانعان قاسىم امانجول " كۇنىنە مىڭ ويلانىپ، ءجۇز تولعانام، ولەڭىم وزىممەنەن بىرگە ولمەسىن دەپ" بەكەر تولعانباعان. انشەيىن ويلانباعان. بۇگىنىن ەمەس ەرتەڭىن، كەلەسى كەلىستى كەلەشەگىنىڭ كەرەمەتىنە وي ءۇزاتقان. ءوزىنىڭ ولەرىنە ، ءومىرىنىڭ كەتەرىنە وكىنبەيدى. ولەڭىنىڭ ونەرىنىڭ ولۋىنە وكىنەدى. سونى ولتىرمەۋدى ، وركەندەتۋدى ، بولاشاق ونەر كوكىرەگىنىڭ ءورى مەن ءتورىن دە ولمەي ءومىر ءسۇرۋىن ويلاعان. كەلەشەك كەرەمەتىندەگى تەرەڭگە بويلاعان...
جا، مەن بۇل جەردە قاسىم امانجولدى ايتقالى وتىرعام جوق. قاسىڭنىڭ ولەڭ شىڭىنىڭ توبەسىنەن ءقۇس اسپاس بيىك ، اسقارلى شىڭ. وعان وراي بەرسە ، كەلەشەكتە ايتىپ ايعاقتاي جاتارمىن.
باسقا ەكى اقىننىڭ ەكى تامشى ولەڭىن ەسكە الىپ ، ەستەلىگىمنەن تاۋىپ الىپ، ەستەرىڭىزگە ەسكەرتىپ وتىرمىن:
كەزدەرىمدە ىسىمنەن تۇك ونبەگەن،
تاسقا تۇسكەن تامشىداي بىتشىت بولام.
بىتشىت بولام دا قايتادان بۋعا اينالىپ،
جاپىراقتىڭ بەتىنە شىپ- شىپ تامام.
( تىنىشباي راحيموۆ)
جاڭبىردان جاپىراقتان دومالاعان،
تامشىنى ەلەپ- ەسكەپ الاما ادام.
جەرگە سىڭگەن سول تامشى جىيلا كەپ،
تاس باستاۋ بوپ شىعادى جالامادان.
( جاناتقان تۇتقابەك ۇلى)
اقىن جاندى وقىرمان ، مىنا ەكى ولەڭدى وقىعاندا ويلارىڭىزعا نە كەلدى، كوزدەرىڭىزگە قانداي كورنىس ەلەستەدى. ىشكى سەزىمىڭىز نە ايتى؟
ول- تامشى.
يا، تامشى، تامشى بولعاندا دا، جاي تامشى، جاداعاي كورنىس ەمەس. ءبىر تامشى - تاسقا تۇسەدى، بۋعا اينالادى، اينالىپ كەلىپ ، جاپىراقتىڭ بەتىنە مونشاق بولىپ تامادى. ءبىر تامشى جەرگە سىڭەدى ، سوسىن جينالىپ ، تاس باستاۋعا انالىدى. وسى پيزيكالىق ءقۇبىلىس - تامشىدان تاۋدايعا ءۇلاسقان ءۇلاعاتتى كورنىس. بولشەكتەن بۇتىنگە ، بۇتىنەن بۇكىل الەمگە ءدان بەرىپ، دامىپ بارا جاتقان ،بوگەۋ بەرمەس بەرەكەگە اينالادى.
ول دا ەمەس.
ۇلكەن قوسىلىس، مىعىم مىق شەگەدەي مىقىنى مىقتى ءمۇقالماس بەرىك بىرگىس، كۇللى الەمگە قۋات الىپ بارا جاتقان كۇردەلى كۇش.
السىزدەن الدىگە ، الدىدەن الەمگە قاراي جىينالىپ بارادى، تىيياناقتاپ بارادى. بىردەن بىرگە ، كىشىدەن ىرىگە قاراي كىرىگىپ بىرىگىپ بارادى.
ازدان كوپكە، كوپتەن كولگە كوز تويدىرىپ بارادى. ءۇساقتان ءتۇساقا، ءتۇساقتان ءتۇتاستىققا اينالىپ بارادى.
جا، ءبىر اقىننان ءبىر اقىن دا اسىپ تۇسەدى. ءبىرىنىڭ ويىن ءبىرى ساباقتاپ باسىپ تۇسەدى. ارىنداپ ارشىنداپ ايعاقتاپ، انىقتاپ ايتىپ باردى. ءبىرىنىڭ ويىن ءبىرى تولتىرىپ تولقىتىپ تولىقتاپ بارادى. دانالىقتارىن سارالاپ دانالاپ ، پارىقتاپ بارادى. ولەڭ ونەر ورىسىندە ءبىر- بىرىنە جاقىنداپ بارپدى. ونەر جولى دا تابىسىپ قابىسىپ بارادى.
بۇل نە؟
بۇل ارىق، كوتەرەم ءسۇراق.
بۇل- تامشىدان تۋعان وي. ەكى اقىننىڭ ويى. ەكۋى دە تامشىنى سىيپاتتاعان. ولەڭگە ، ونەرگە اينالدىرعان. كەرەمەتى وسى جەردە. ەكۋى دە ولەىڭدى ولمەستەي ەتىپ ورە بىلگەن. تاقىرىپ ءبىر.
ايتىلار سىر ءبىر ، ءبىر ەمەس ەشتەڭە جوق. ەكى ءتۇرلى ايتا بىلگەن، ەكى ءتۇرلى ورە بىلگەن.
يا، ەكەۋ دە ءتۇيىر تامشىدان وي قۋعان، تامشىدان سۇلۋ وي تۋعان. بىرەۋى كەرەكسىزدەن كەرەمەت تابادى. " جاپىراققا شىپ- شىپ تامادى".
ال بىرەۋى، جەرگە ءسىڭىپ جوعالادى دا، قايتادان بىرىگىپ قۋات الادى دا، بىرىگىپ جالامادان شىعىپ جار تولقىن بوپ ءۇرادى.
ەكۋىندەگى وزەك بىرەۋ، اعار ارنا بىرەۋ. ول - بىرلەس، بىرىك، نىعاي سوندا عانا سەنى الار، سەنى باسار كۇش بولمايدى. تارىداي شاشىلما، بىتىراما، ىدىراما، تارقاما " بىرلىك ءتۇبى- تىرلىك" دەگەن ەسكى ەرەجەنى تامشىنىڭ بىرىككەن كۇشتى قۋاتىمەن ۇستەپ قانا تۇسىندىرەدى.
يا. ۇشكىرلىك، ءتاۋبا - ەكۋى دە، تامشىدان تاماشا تاعىلىم ورەدى. ءمولدىر تازا اقىل تۋادى.
قورتقاندا دا ، " جارىلعاندى جاۋ الادى، بولىنگەندى ءبورى جەيدى" ، "بىرىكپەگەن ەش قاشان كىرىكپەيدى" ، " بولشەكتەنگەن بولىنەدى، بولەك قالادى" دەگەن اتا تاعىلىمىن تامشىمەن تامىزىپ قانا ايتا سالعانداي.
تامشىنىڭ تامىرلى استارىندا بىرىگىپ، تولقىعان اقىل وزەنى ولەڭدەتە اعادى. اڭگىمەنىڭ وزەگى ەلەۋسىز عانا تارىداي تامشىدان تاۋداي تاعىلىم تابادى. تارىدان تامام اقىلدىڭ سىرىن تاپقان تاپقىرلىعى. ەلەۋسىزدەن ەسكەرىپ ، ەستى دە دەستى پىكىردى دەستەلەپ جەتكىزگەن جەتەلى جەرى.
ول دا ەمەس.
ءۇمىتسىز ۇزىلەدى. كەرەكسىز كەسىلەدى. تورىققان توزادى، توپتاسقان وزادى.ءۇمىتتى ۇھىلەمەيدى،الجاسقان ازادى، اقىلدى اسادى، تارىدايدان ءقۇرالساڭ، تاۋ بولاسىڭ. تامشىدايدان جىينالساڭ ، كول بولاسىڭ. باس- باسىڭا كەتسەڭ نە بولاسىڭ دەپ ويدان ءۇشپاق ايتادى، سوزدەن ءپۇشپاق جەتكىزەدى.
مىنە، تامشىدان تارامداپ اعىپ ، ساناڭا سارالاپ جەتكىزگەن تاعىلىم وسى. تەڭىزدىڭ ءدامىن تامشىسىنان ءبىل دەگەن دە وسى. ەكى اقىننىڭ ولەڭ كومەينەن ساۋلاپ ،توگىلىپ ءتۇرعان كوركەمدىك كوكجيەگى دەگەن دە وسى. ەندى ارى ايتۋدىڭ، ارشىپ تالداۋدىڭ ءجونى دە ،جوسىعى دا قالعان جوق. ولەڭ قورجىنى ويعا توق. جاماندىق جوق، اقىلعا ،ارعا قونىپ ءتۇر، سىرعا سۇلۋلىققا بوگىپ ءتۇر، ءجۇمباققا ءتۇنىپ ءتۇر.
بولات بوپاي ۇلى
25.07. 1987 جىل. ءۇرىمجى قالاسى.
ەسكى ەستەلىك داپتەرىمنەن.
