شىعىس شەرتپەسىنىڭ شاباندوزى مۇقاش تاڭعىت ۇلى

كۇيشى كومپوزيتور كۇي ونەرىن زەرتتەشى مۇقاش تاڭعىت ۇلى قحر شۋار تولى اۋدانىندا 1962 جىلى 15ء-شى جەلتوقساندا دۇنيەگە كەلگەن. كۇيشى دومبىرانى بالا كەزىنەن باستاپ ۇيرەنگەن. كەيىن كەلە جۇڭگو ەلىندەگى قازاقتار اراسىندا تانىمال كۇيشى بولعان.

كۇيشى مۇقاش تاڭعىت ۇلى 1990 جىلداردان باستاپ جۇڭگو ەلىندە 19-20 عاسىرلاردا جاساعان قازاق كۇيشىلەرىنىڭ ءومىر جولى مەن ونەر جولىن زەرتتەي باستاعان. حالىق اراسىنان سول بۇرىن وتكەن كۇيشىلەردىڭ كۇيلەرىنەن 200 دەن استام كۇي جيناپ ول كۇيلەردى جۇڭگو ەلىندە كۇي تاباق جانە كىتاپ ەتىپ شىعارىپ ەل اراسىنا تاراتقان.

كۇيشى كومپوزيتور، كۇي ونەرىن زەرتتەشى - مۇقاش تاڭعىت ۇلى

م.تاڭعىت ۇلى 2001 جىلى تاريحي وتانى قازاقستانعا قونىس اۋدارعان. كەزىندە ءوزى جيناعان كۇيلەردەن 200-دەن استام كۇيدى قازاق ەلىنە الا كەلىپ "قازاق راديوسى" "شالقار راديوسى" جانە وتاندىق تەلە ارنالاردا ءوزى ورىنداپ قازاقستان حالقىنا كەڭىنەن ءناسيقاتتادى.

كۇيشى مۇقاش ءوزى اكەلگەن كۇيلەردەن قازاق راديوسىنىڭ "التىن قورىنا" 70-تەن اسا كۇيدى ءوزى ورىنداپ جازدىردى. "قازاقتىڭ 1000 كۇيى"، "ماڭگىلىك سارىن"، "قازاقتىڭ 500 كۇيى امانات"، "ۇلى دالا سازى"، قاتارلى وتاندىق كۇي البومدارىنا ءوزى ورىنداپ قىتايداعى قازاقتاردىڭ كوپتەگەن كۇيلەرىن ەنگىزدى.

م.تاڭعىت ۇلىنىڭ ەڭبەگىن جوعارى باعالاعان قازاقستان پارلامەنتى دەپۋتاتتارى 2009 جىلى 19 مامىردا استانا قالاسىندا پرەزيدەنتتىڭ مادەنيەت ورتالىق سارايىندا "التايدىڭ ار جاعىنان كەلگەن شەرتپە كۇيلەر" دەگەن كۇي كەشىن وتكىزدى. كەشتى ق ر پارلامەنتى ءماجىلىسىنىڭ دەپۋتاتى ءۋاليحان قاليجانوۆ جۇرگىزدى. كەشتە ق ر پرەزيدەنتى نۇرسۇلتان ءابىش ۇلى نازاربايەۆ قۇتتىقتاۋ العىس حاتىن جولدادى.

2012 جىلى شىلدە ايىندا ق ر مۇقتار اۋەزوۆ اتىنداعى ادەبيەت جانە ونەر تانۋ ينستيتۋتەتى كۇيشى مۇقاش تاڭعىت ۇلىنىڭ 50 جاسقا تولۋىنا بايلانىسى الماتى قالاسىندا كۇي كەشىن جوعارى دەڭگەيدە وتكىزدى. مۇقاش تاڭعىت ۇلى قازاقستان ەلىنە كەلگەلى بەرى استانا، الماتى، تالدىقورعان قالاسى قاتارلى ورىنداردا 7 رەت كۇي كەشىن وتكىزدى.

مۇقاش تاڭعىت ۇلى وسىعان دەيىن 3 كۇي زەرتتەۋ كىتابىن، 4 سd كۇي تاباق، 1 dvd كۇي تاباق، 2 كۇي تاسپا شىعاردى. كۇيشى ءوز جانىنان 22 كۇي، 40 تان استام ءان شىعارعان كومپوزيتور. مۇقاش تاڭعىت ۇلى بۇل كۇندە الىپ شاقار الماتى قالاسىندا تۇرادى.

مۇقاش تاڭعىت ۇلىنىڭ ءوزى ورىنداۋىنداعى كۇيلەرى.

"كەرەي شەرتپەسى"