"كەرتولعاۋ" كۇيى
كۇي تاريحىن وقىعان: سەرىك ءابىل ۇلى
كۇيدى ورىنداعان: قۇرمانجان زىكىريا ۇلى
قوجەكە نازار ۇلى
قوجەكە نازار ۇلى (1828–1881) جەتىسۋدىڭ قارقاراداسىندا دۇنيەگە كەلگەن. قوجەكەنىڭ اكەسى نازار سوزگە شەشەن، توڭىرەگىنە ىقپالدى ادام بولعان.
قوجەكەنىڭ ەل ىسىنە ەرتە ارالاسۋىنا اكە تاربيەسى ىقپال ەتكەن. XIX عاسىردىڭ ەكىنشى جارتىسىنان جەتىسۋعا تىزە باتىرا باستاعان رەسەيدىڭ وتارشىل ساياساتىنا باس يمەگەن قوجەكە 1862 جىلى ءتورت جۇزدەي ءۇيدى باستاپ، ۇدەرە كوشكەن بەتى تەكەس وزەنىنىڭ بويىنا كەلەدى. قوجەكە باستاعان رۋلى ەلدىڭ كوشىپ كەلۋىنە جۇڭگو وكىمەتى دە بەيتاراپ قاراماعان. العاشقىدا قوجەكەگە شەن-شەكپەن بەرىپ، وزدەرىنىڭ ارام پيعىلدارىن جۇزەگە اسىرۋعا قولدانباق بولادى. قوجەكە سياقتى ءبىرتۋار تۇلعا حالقىنىڭ قامىنا قيانات ىسكە بارمايدى. اقىرى تاكاپپار كۇيشىنى ايتقانىنا كوندىرە الماعان جۇڭگو ۇكىمەتى ونى ازاپتاپ ولتىرەدى.
قوجەكە ءوزى كۋا بولعان، ءوزىن تولعاندىرعان ءومىر قۇبىلىستارىنىڭ بارشاسىن كۇي تىلىندە بايانداپ وتىرعان. بۇل كۇنگە دەيىن قوجەكەنىڭ جۇزگە تارتا كۇيلەرى جەتكەن. ونىڭ كۇيلەرى كۇنى بۇگىنگە دەيىن جەتىسۋ، التاي، ەرتىس، تارباعاتاي، بۇراتالا، ىلە وڭىرلەرىندە تارتىلادى.
نازار ۇلى قوجەكەنىڭ كۇيلەرى: "اعارسىننىڭ اق تولقىنى"، "اققۋ"، "ارمان"، "بايەكەنىڭ ەستىرتۋى"، "بالالارىما"، "بالام-اۋ"، "بوزجىگىت"، "بولتىرىك"، "ءبىرجان سال"، "جيرەنشە"، "قاراشاشتىڭ قازاسىن ەستىرتۋ"، "جيرەنشەنىڭ قاراشاشتى جوقتاۋى"، "كەرتولعاۋ"، "كورۇعلى سۇلتان"، "كۇي باستار"، "كۇي شاقىرتقى"، "قامبارحان"، "قولعا الىنار الدىندا"، "قوس كەلىنشەك"، "قيناۋ"، "قۇل پەندە"، "مۇڭدىق"، "ءوز قولىم"، "رابات تورەنىڭ ەستىرتۋى"، "راۋشان"، "سايرام كول"، "ساربارپى بۇلبۇل"، "تارتۋ"، "توقتارىم"، "تۇرمەدەگى قيناۋ"، "شالقايما" تاعى باسقالار.
6alash ۇسىنادى
