ايگىلى ايتىس اقىنى، ولەڭ ورىسىندە دارىنىمەن تانىلىپ، دارا ستيل قالىپتاستىرعان قۇرمانبەك زەيتىنعازى ۇلى 1941-جىلى 10-قاڭتاردا التاي ايماعىنىڭ شىڭگىل اۋدانىندادۇنيەگە كەلگەن. 30 نەشە جىلدان بەرى سان رەتكى اقىندار ايتىسىنىڭ ءسوز دوداسىناتۇسىپ، تالاي رەت اعا جۇلدەگەرلىكتى الۋمەن بىرگە رايون، وبىلىس، ايماق جاعىنان "ەرەكشە ەڭبەك سىڭىرگەن حالىق اقىنى " "ونەرگە ءومىر بويى ۇلەسقوسقان ارداگەر "دەگەن قۇرمەتتى اتاق بەرىلىپ، التىن مەدالمەن ماراپاتتالعان.
قۇرەكەڭ قازاق ايتىس ونەرىنىڭ قۇدىرەتىن تورتكىل دۇنيەگە تانىتىپ، قازاقستان، تۇركيا، موڭعۇليا، گەرمانيا، فىرانسيا، گوللانديا ەلدەرىنە ونەر ساپارىمەن بارىپ، سول ەلدەردىڭ بارلىعىندا القاۋعا بولەنىپ، ابىرويلى ورالعان.
قۇرەكەڭ قازاق اۋىز ادەبيەتىنىڭ ءتورت تومدىعىن جيناۋ، زەرتتەۋ، باسپادانشىعارۋ جۇمىستارىنا ات سالىسىپ مەمەلەكەتتىك وزات قىزىمەتكەر بولىپ باعالانعان.
قۇرمانبەك زەيتىنعازى ۇلى شينجياڭ قازاق ايتىس ونەرىنىڭ ءبىر بەلەسى. اسىرەسە، ازاتتىقتان كەيىنگى ساحارا تورىندە ساحانالاستىرعان ءايتىس-سوز سايىسىن قۇرمانبەكسىز ءسوز ەتۋگە كەلمەيدى. تاپ بەرمەدە ءسوز تاپقىشتىق، ماعانامەن ۇيقاس شەبەرلىگى، كەڭ كوسىلىپ، جويقىن دارياداي جوسىلتا ايتۋ قۇرەكەڭنىڭ ايتىس مادەنيەتىمىزدەگى شوقتىعى بيىك دارا شىڭى.
قۇرمانبەك تەك ايتىس اقىنى عانا ەمەس، جىردوداسىنا ءتۇسىپ جۇرگەن جازبا اقىن. ول جازعان «اۋەدەگى اڭگىمە» داستانى، باسقادا كوپتەگەن تولعاۋلارى مەن تەرمەلەرى، ءان تەكىستەرى ءوز وقىرمانىن تاپقان ورەلىشىعارما ەسەپتەلەدى. «اقىن ارعىنبەك جونىندە» «قارا تەڭىزدەگى قايىرلى ساپار» قاتارلى ءبىر قىدىرۋ زەرتتەۋ ماقالالارى مەن ەسسەلەرى ەلىمىزدەگى باسىلىمدارداجارىق كورىپ، راديو، تەليەۆيزور نومىرلەرىندە تاراتىلىپ، قالىڭ قاۋىمنىڭ يگى باعاسىن الدى.
قۇرمانبەك زەيتىنعازى ۇلىنىڭ 1981-جىلعى مەيرامقانمەن ايتىسى، 1985-جىلعى جامالقانمەن ايتىسى ورتالاۋ مەكتەپتىڭ 3-جىلدىعىنىڭ، ورتا مەكتەپتىڭ 1-جىلدىعىنىڭ ادەبيەت وقۋلىعىنا ەنگىزىلدى. بۇل ەلىمىز قازاعىندا تۇڭعىش رەت وقۋلىققا ەنگىزىلگەن ايتىس ولەڭدەر بولىپ سانالادى. 1985-جىلعى جامالقانمەن ايتىسى مەمەلەكەت تىلىنە اۋدارىلدى. ءسۇيتىپ، قۇرەكەڭنىڭ اقىندىق ءورىسى بۇل كۇندەقۇلاشىن كەڭگە جايىپ، ۇرپاق تاربيەسىنە، قوعامنىڭ اسىل قازىناسىنا اينالىپ وتىر.
اقىن قۇرمانبەك التاي ايماقتىق ادەبيەت-كوركەمونەرشىلەر قوعامىنىڭ، ىلە قازاق اۆتوميالى وبىلىستىق اۋىز ادەبيەت قوعامىنىڭ قۇرىمەتتى ءتوراعاسى، مەمەلەكەتتىك اۋىز ادەبيەت قوعامىنىڭ، مەمەلەكەتتىك از ۇلىت جازۋشىلار عىلىمي قوعامىنىڭ شيىجياڭ ۇيعۇراۆتونوميالى رايوندىق اۋىز ادەبيەت قوعامىنىڭ مۇشەسى، شىڭگىل اۋداندىق ساياسي ءماسىليقات كەڭەسىنىڭ بۇرىنعى ورىنباسار ءتوراعاسى، ىلە قازاق اۆتونوميالى وبىلىستىق ساياسي ءماسىليقات كەڭەسىنىڭ جوراسى قاتارلى مىندەتتەر وتەگەن قوعام قايراتكەرى.
ءنۇرشات قۇرمانبەك قىزى
6الاش ۇسىندى
