ىشىك — قازاقتىڭ ۇلتتىق كيىمدەرىنىڭ ءبىرى، ونى ەلتىرىدەن، سەڭسەڭنەن، ءار ءتۇرلى اڭ تەرىلەرىنەن تىگەدى، سىرتى ماتامەن تىستالادى. ىشىك تىگىلەتىن تەرىنىڭ تۇرىنە قاراي: ەلتىرى ىشىك، سەڭسەڭ ىشىك، قاسقىر ىشىك، تۇلكى ىشىك، پۇشپاق ىشىك، ورمان ىشىك، جانات ىشىك، بۇلعىن ىشىك ت.ب. دەپ اتالادى. ىشىك تىگەتىن تەرىنى شەل مايىنان، كوك ەتىنەن ارىلتىپ العان سوڭ اشىعان ايران جاعىن يلەيدى. تەرى ابدەن ءيى قانعاندا يرەكپەن تاراپ، قولمەن ۋقالاپ، كەرىل-سوزىل جۇمسارتىلادى.
سۋەتتەگى مىنا ىشىكتىڭ 110 جىلدىق تاريحى بار. ءقازىر قىتايدىڭ باركول اۋدانىندا.
6alash ۇسىنادى
