انۋاربەك نىعمەتجان ۇلىنىڭ تاڭعاجايىپ داۋىسى قازاق حالقىنىڭ قۇلاعىندا ماڭگى ساقتالىپ قالدى. سول اتاقتى ديكتوردى وزىنە كاسىبي دە، رۋحاني دا ۇستاز تۇتقان، داۋىسىمەن تالايدى تامساندىرىپ، اعا جولىن قۋعان مۇراتبەك تەسەباي دا ءبىرتۋار دارا تالانت يەسى. ساليقالى ەڭبەك جولىنىڭ 58 جىلىن راديوعا ارناعان، ەفيردەن تولىعىمەن 50 رومان وقىعان ارداگەر جۋرناليست.
ءابدىجامىل نۇرپەيىسوۆتىڭ «قان مەن تەر» تريلوگياسىن، عابيت مۇسىرەپوۆتىڭ «قازاق سولداتىن»، ءسابيت مۇقانوۆتىڭ «بوتاگوزىن»، ءازىلحان نۇرشايىقوۆتىڭ «ماحاببات، قىزىق مول جىلدار» روماندارىن دا وقىپ، تىڭدارمانداردىڭ ىستىق ىقلاسىنا بولەنگەن مۇراتبەك تەسەبايەۆ 1995 جىلى حاكىم ابايدىڭ 150 جىلدىق مەرەيتويىنا وراي، «اباي جولى» رومانىن راديودا 160 كۇنگە ءبولىپ، 80 ساعات وقىعان بولاتىن. قازىرگە دەيىن شىڭجاڭ حالىق راديوسىنان 3 رەت تاراتىلعان بۇل رومان بۇگىن دە كوپ قازاقتىڭ ۇيالى تەلەفونىنا ساقتاپ، جول جۇرسە ماشيناسىندا تىڭدايتىن اۋديوسىنا اينالعان.
قايتقاندا
6alash ۇسىنادى
