زارۋان يساش ۇلى 1912 جىلى شىڭگىل اۋدانىنىڭ ءشىلبۇلاق جايلاۋىندا، زاڭگى وتباسىندا دۇنيەگە كەلگەن. ول جاستايىنان دومبىراعا اۋەستەنىپ، سول تۇستاعى ايگىلى كۇيشىلەردەن ءتالىم العان. ك ۇلى قازاققا اتى ايگىلى كۇيشى شالاپ، بەيسەنبى كۇيلەرىن ناقىشىنا كەلتىرە شەرتىپ، 15-20 جاستارىندا سالدىق قۇرعان ادام. ءارى وزىدە كۇي شىعارعان ونەرپاز.
زارۋاننىڭ «كورىكتى شىڭگىل»، «جىبەك جىيرەن»، «قوسىن تورى» قاتارلى كۇيلەرى بار. بۇلعىننىڭ جالپاعى دەگەن جەرىندە وسپان باتىردى اق كيىزگە وتىرعىزىپ حان كوتەرگەندە، توڭكەرىستىڭ بەل ورتاسىندا بولىپ، كۇي شەرتىپ تويدىڭ ءدۇبىرىن قىزدىرۋشىلاردىڭ ءبىرى بولعان.
زارۋان يساش ۇلى 1979 جىلى التاي ايماعىنىڭ 3-كەزەكتى اقىندار ايتىسىنا قاتىناسىپ، كوپتەگەن حالىق كۇيلەرىن دومبىرادا ورىنداپ جۇرتتىڭ جاقسى باعاسىنا يە بولعان ەدى. ول كىسىنىڭ «كورىكتى شىڭگىل» اتتى كۇيى شينجاڭ حالىق باسپاسىندا شىعارىلعان «جيرمانىنشى عاسىر جۇڭگو قازاق سازگەرلەرى» اتتى كىتاپقا ەنگىزىلگەن.
«مۇرا» جۋرنالىنىڭ 2010 جىلعى 5-سانىندا سۋرەتىمەن باسىپ كۇيشىلىك ونەرى ارناۋلى تانىستىرىلعان. مارقۇم زارۋان يساش ۇلى ارتىنا ولمەس اسىل مۇرالار قالدىرىپ 1998 جىلى 86 جاسىندا بۇل دۇنيەمەن ماڭگىلىككە قوشتاستى.
زارۋان يساش ۇلىنىڭ كۇيلەرى
دەرەكتى ۇسىنعان: تولەگەن قۇمار ۇلى
6alash ۇسىنادى
