سول قوبىز ءقازىر قايدا ەكەن؟
جۋىردا الەۋمەتتىك جەلىنىڭ ءبىرىن شارلاپ وتىرىپ، مىنانداي دەرەكتى كەزدەستىردىك: قۇرمانعازى اتىنداعى ۇلت اسپاپتار وركەسترi 1957 جىلى قىتايدا كونسەرت قويعاندا جۇڭگو حالىق رەسپۋبليكاسىنىڭ ءتوراعاسى ماو سزە دۋنگە وركەستر جەتەكشiسi، ديريجەر شامعون قاجىعالييەۆ قازاقستان ۇكiمەتi اتىنان شەبەر قامار قاسىموۆ جاساعان قوبىزدى سىيعا تارتقان ەكەن.
ءبىزدى وسى سىيلىقتىڭ كەيىنگى تاعدىرى قىزىقتىردى. سول ەلدەن كوشىپ كەلگەن ارىپتەسىمىزدەن مۇنىڭ جايىن سۇراعان ەدىك، بىلمەيتىن بولىپ شىقتى. ءبىراق وتكەن عاسىردىڭ الپىسىنشى جىلدارى قىتايدا بولعان مادەني توڭكەرىس كەزىندە بۇل قوبىزدى قۇرتىپ جىبەردى مە دەگەن بولجام ايتتى.
ءبىر اتاپ وتەرلىگى، قامار قاسىموۆ – ءتۇرلى حالىقارالىق دەڭگەيدەگى كورمەلەرگە قاتىسقان قازاقتىڭ تۇڭعىش قولونەر شەبەرلەرىنىڭ ءبىرى. كەزىندە سۋرەتشىلەر وداعىنىڭ مۇشەسى دە اتانعان. ول ورنەكتەپ جاساعان اسەم مۋزىكالىق اسپاپتار بۇگىندە ماسكەۋ، سانكت-پەتەربۋرگ، الماتى، سەمەي مۇراجايلارىندا ساقتاۋلى تۇر.
شەبەردىڭ ەڭبەگى ەلەنىپ، قازكسر-دiڭ ەڭبەك سiڭiرگەن ونەر قايراتكەرi اتاعىنا يە بولدى. «ەڭبەك قىزىل تۋ» وردەنiمەن جانە كوپتەگەن مەدالدارمەن ماراپاتتالدى. شەتەل عالىمدارى ونى «قازاقتىڭ ءستراديۆاريى» اتاعان. قامار جاساعان، جۇڭگو باسشىسىنا سىيعا تارتىلعان سول قوبىز ءقازىر قايدا ەكەن؟
امانعالي قالجانوۆ
