ەلىمىزدە سوڭعى جىلدارى الەۋمەتتىك-ەكونوميكالاق وزگەرىستەرمەن قاتار، ساياسي جاقتاردا دا ۇلكەن جاڭالىقتار، تىڭ بەتبۇرىستار بايقالا باستادى. بيلىكتىڭ بەيبىت جولمەن اۋىسۋى، جاڭا پرەزيدەنتتىڭ ءبىر قىدىرۋ رەفورمالاۋ جۇرگىزۋگە كۇش سالۋى قازاقستان قوعامىنىڭ جاڭا بەتالىسقا باعدار تۇزەگەنىن اڭعارتتى دەسەك، ەلدەگى ەلەۋلى جاڭالىقتىڭ ءبىرى رەتىندە باتىس ەلدەرىندە قالىپتاسقان ساياسي ءداستۇر رەتىندە قولدانىلىپ كەلە جاتقان پارتيالىق پرايمەريزدىڭ قازاقستاندا العاش رەت وتكىزىلگەلى وتىرعانىن اتاۋعا بولادى.
پرايمەريز تۋرالى ەلباسى ن.نازاربايەۆ بيىل ناۋرىز ايىندا: «پرايمەريز – پارتيا اتىنان ماسەلەلەردى شەشەتىن ەڭ بەلسەندى جانە سەنىمدى مۇشەلەردى انىقتاۋعا مۇمكىندىك بەرەتىن دۇرىس شەشىم دەپ سانايمىن»،- دەگەن بولاتىن. وسىلايشا، حالىقارالىق ساحنادا ابدەن مويىندالعان پارتياىشىلىك ىرىكتەۋ ءتاسىلىن ەلىمىزدە العاش رەت «نۇر-وتان» پارتياسى قولدانىسقا ەنگىزدى. قازاقستانداعى كوشباسشى پارتيانىڭ جاڭا ءارى باتىل قادامى قوعامدا ۇلكەن قولداۋ تاپتى. سەبەبى بۇل ءار سالا، ءار كاسىپتىڭ ماماندارىنىڭ حالىققا، قوعامعا قىزمەت وتەۋدەگى ءوز مۇمكىندىگىن كورسەتۋگە بەرىلگەن ۇلكەن وراي بولدى. ويتكەنى پرايمەريز ارقىلى پارتيادا بىلەك سىبانا ىسكە كىرىسەتىن بەلسەندىلەر ىرىكتەلەدى. پرايمەريز ەل ومىرىنە ەلەۋلى سەرپىلىس اكەلىپ قانا قويماي، حالىقپەن بەتپە-بەت جۇمىس ىستەۋگە قابىلەتتى جاڭا تولقىنىن ساياسات ساحناسىنا شىعاراتىن ءىزاشار باستاما.
«نۇر-وتان» پارتياسىنىڭ دەرەگىنە سۇيەنسەك، وسى رەتكى ىرىكتەۋگە تىركەلگەندەردىڭ 40 پايىزعا جۋىعىن ايەلدەر ۇستاسا، 30 پايىزعا جۋىعىن 35-كە دەيىنگى جاستار يەلەنەدى ەكەن. مىنە، بۇدان پرايمەريزدىڭ ايەلدەر مەن جاستارعا دا ۇلكەن مۇمكىندىك بەرەتىن اڭعارۋعا بولادى. ونىڭ ۇستىنە، حالىق تا ەل ومىرىندەگى اتالعان ساياسي باستاماعا ەلەڭدەپ وتىر. ولار وزدەرى سەنىم ارتاتىن، قازاقستان قوعامىنا تىڭ وزگەرىستەر اكەلۋگە قابىلەت-قارىمى جەتەدى دەيتىن بىلىكتى ازاماتتاردىڭ وسى دودادان جەڭىپ شىعۋىن ءۇمىت ەتەدى. وسى قاتاردا ءبىز دە ءوز ۇمىتكەرىمىزگە تىلەۋلەس بولىپ، قولداۋ بىلدىرۋدەمىز.
ءبىزدىڭ ۇمىتكەرىمىز –«تۇران-استانا» ۋنيۆەرسيتەتىنىڭ رەكتورى، ەكونوميكا عىلىمدارىنىڭ كانديداتى، پروفەسسور گۇلجامال الكەن قىزى جاپاروۆا. ەڭبەك جولىن وقىتۋشىلىقتان باستاپ، «تۇران-استانا» ۋنيۆەرسيتەتىنىڭ رەكتورىنا دەيىن كوتەرىلگەن گۇلجامال الكەنقىزىن ءبىز ءوز ءىسىنىڭ بىلگىرى، بىلىكتى باسشى، ەلىنە ادال ەڭبەك ەتىپ كەلە جاتقان ناعىز ۇلتجاندى قازاق قىزى رەتىندە تانيمىز. ونىڭ باسقارۋىنداعى ءبىلىم ورداسىنىڭ قۇرىلعانىنا20 جىلدان استام ۋاقىت بولعان،«تۇران-استانا» ۋنيۆەرسيتەتى جىل سايىن باسەكەگە قابىلەتتى مامانداردى دايارلاپ، ءبىلىم سالاسىنا ۇلەسىن قوسىپ كەلەدى. اتالعانوقۋ ورنى رەسپۋبليكالىق رەيتينگتەردەن دە ۇدايى بىرنەشە جىل بويى الدىڭعى 10 ۋنيۆەرسيتەتتىڭ قاتارىندا كەلەدى.
ۇمىتكەردىڭ ۇسىنىپ وتىرعان باعدارلاماسى دا ەلى مەن جەرىنىڭ كوركەيۋىن قالايتىن ءار ازاماتتىڭ كوكەيىنە قونادى، كوڭىلىنەن شىعادى. سەبەبى پروفەسسور گ.ءا.جاپاروۆا ءبىلىم جانە عىلىم سالاسىنىڭ قىزمەتكەرلەرىنىڭ جالاقىسىن ارتتىرۋ، مارتەبەسىن كوتەرۋ، قالا تۇرعىندارىنىڭ الەۋمەتتىك ماسەلەلەرىن شەشۋدىڭ وڭتايلى جولدارىن ۇسىنادى.
ءوزىنىڭ سايلاۋ الدى باعدارلاماسىندا، ەڭ اۋەلى، جالاقىسى تومەن جانە ورتاشا كولەمدەگى جۇمىس ىستەيتىن حالىق مەملەكەتتىك باسقارۋ، ءبىلىم بەرۋ، دەنساۋلىق ساقتاۋ جانە الەۋمەتتىك قىزمەتتەر سالالارىندا شوعىرلانعانىن العا تارتقان پروفەسسور گ.ءا.جاپاروۆا ورتاشا جانە ورتادان تومەن جالاقى اراسىندا ايتارلىقتاي الشاقتىق بارىن، ەڭبەكاقى تولەۋ دەڭگەيىنىڭ تومەندىگى جوعارى وقۋ ورىندارىنىڭ عىلىمي-پەداگوگيكالاق قىزمەتكەرلەرى بەدەلىنىڭ تۇسۋىنە، كادرلىق الەۋەتتىڭ «شايىلۋىنا»، ءبىلىم بەرۋدىڭ ساپاسى مەن باسەكەگە قابىلەتتىلىگىنىڭ ناشارلاۋىنا الىپ كەلەتىنىن اتاپ كورسەتىپ، ونىڭ شەشۋجولدارىنكورسەتەدى. ءبىزدىڭ ويىمىزشا، گ.ءا.جاپاروۆا وسى ورايدا ەلىمىزدەگى بارلىق ۇستازداردىڭ وزەكتى ماسەلەسىن كوتەرىپ وتىر.
ۇستاز – ادام جانىنىڭ ينجەنەرى. ۇستاز ۇرپاقتى تاربيەلەسە، ۇرپاق – ۇلتتىۇستايتىن ۋىق. ەندەشە، ۋىقتىڭ وزەگىنە داق تۇسپەسىن دەسەك، ۇستازداردىڭ ءبىلىمى مەن بىلىكتىلىگىنە، سونداي-اق ولاردىڭ ەڭبەگىنىڭ وتەۋىنە دە باسا نازار اۋدارۋدىڭ ماڭىزى زور. مەملەكەت باسشىسى قاسىم-جومارت توقايەۆ ءوز جولداۋىندا كەلەر جىلى قاڭتار ايىنان باستاپ ۇستازداردىڭ جالاقىسىن 25 پايىزعا دەيىن كوتەرۋدى تاپسىردى. بۇل – ۇستازدار ءۇشىن، ارينە، قۋانارلىق جاڭالىق. الايدا، ءبىلىم سالاسىندا بۇدان باسقادا تۇيىتكىلدى ماسەلەلەر از ەمەس. ونى شەشۋگە بىلىكتى باسشى، ءبىلىم بەرۋ سالاسىنا شىنايى كۇيىنەتىن ازاماتتار كەرەك. ۇمىتكەر گ.ءا.جاپاروۆا وسى تالاپتىڭ ۇدەسىنەن سۇرىنبەي شىعادى.
«تۇران-استانا» ۋنيۆەرسيتەتىنىڭ رەكتورى گ.ءا.جاپاروۆانىڭ باسقا ۇمىتكەرلەرگە ۇقسامايتىن تاعى ءبىر باعدارلاماسى ءبىلىم ەكونوميكاسى سەكتورلارىن دامىتۋ. شىنىن ايتۋ كەرەك، باس قالامىز نۇر-سۇلتاندا بۇل سالانىڭ دامۋى كوڭىل كونشىتەرلىك دەڭگەيدە ەمەس. ماسەلەن، اقىلدى جانە تەحنولوگيالىق وندىرىستەر سەكتورىنىڭ كولەمى نۇر-سۇلتان قالاسىندا جقق-نىڭ (جالپى قوسىلعان قۇننىڭ) 1%-ىن جانە جۇمىسپەن قامتىلعانداردىڭ جالپى سانىنىڭ 1،5%-ىن قۇرايدى. اكت سالاسى نۇر-سۇلتان قالاسىنىڭ جالپى وڭىرلىك ءونىمنىڭ 5%-ىن الادى، بۇل الماتىعا قاراعاندا 3 ەسە از. مىنە، وسى كورسەتكىشتەردى العا تارتقان گۇلجامال الكەن قىزى شەتەلدىك تابىستى تاجىريبەلەردى ەسكەرە وتىرىپ، ءبىلىم بەرۋ باعدارلامالارىن جاڭارتۋ جانە يننوۆاسيالىق بيزنەس جوبالارمەن ينتەگراسيالاۋ، الەۋەتتى شەتەلدىك ينۆەستورلارمەن قالا اكىمشىلىگىنىڭ بيزنەس كوممۋنيكاسيالارىن جولعا قويۋ، قالا برەندىن جىلجىتۋ باعدارلاماسىن قابىلداۋ باستاماسىن كوتەرىپ وتىر.
قىسقاسى، گۇلجامال الكەن قىزى جاپاروۆا ءسوزى مەن ءىسى ساي كەلەتىن، ايتقان ۋادەسىن ورىندايتىن، ءوز كاسىبىنىڭ بىلىكتى مامانى. ەگەر ۇسىنىپ وتىرعان ۇمىتكەرىمىز پرايمەريزدەن ءوتىپ، ەرتەڭگى كۇنى ەل ىسىنە ارالاسۋىنا مۇمكىندىك بەرىلىپ جاتسا، حالىق باسا نازار اۋدارىپ وتىرعان ءبىلىم سالاسىنا ايانباي تەر توگەتىنى انىق. ەندەشە، ءبىلىم سالاسىنىڭ بىلىكتى مامانى گ.ءا.جاپاروۆانى سىزدەر دە قولداپ داۋىس بەرىڭىزدەر، قولداڭىزدار!
جازيرا يسكاكوۆا
6alash ۇسىنادى
