انۋاربەك بايجانبايەۆتىڭ داۋىسى
انۋاربەك نىعمەتجان ۇلى بايجانبايەۆ(26.3.1923، سەمەي — 27.10.1989، الماتى) — ديكتور، قازاقستاننىڭ حالىق ءارتيسى (1973). ۇلى وتان سوعىسىنا قاتىسقان. 1944 جىلى ەلگە ورالعاننان كەيىن، قازاقراديوسىنا ديكتور بولىپ ورنالاسادى. العاش ەفيرگە شاعىن حابارلاندىرۋ وقىپ شىققاننان (24.6. 1944) باستاپ ءومىرىنىڭ سوڭىنا دەيىن قازاق راديوسىندا، تەلەديدارىندا (1958—1962) ديكتور، اعا ديكتور بولىپ قىزمەت اتقارعان. ەفيرارقىلى بەرىلگەن رەسپۋبليكانىڭ تىنىس-تىرشىلىگى جايلى ءار ءتۇرلى جاڭالىقتار، ساياسي حابارلار ۇزاق جىلدار بويى مىڭداعان تىڭداۋشىلارىنا بايجانبايەۆتىڭ اشىق تا اۋەزدى، كەڭ تىنىستى ۇنىمەن جەتتى. س. جاقانوۆا، ز.بەكەتوۆا، ج. اسقاروۆا، م.سەرجانوۆ، م. قۋاتبەكوۆ، ءا. بولەبايەۆ، ت.ب. قازاق ديكتورلارىنا ۇستازدىق ەتكەن. 1-دارەجەلى وتان سوعىسى وردەنىمەن ماراپاتتالعان. ول تۇرعان ۇيگە مەموريالدىق تاقتا ورناتىلعان (1991).
6alash ۇسىندى
