Áýele, áýeleı ber, «Sulýbaı arman»!
Keıde bir án úshin uzaq jasaǵyń keletin sátter bolatyny ǵajap. Ómir sol ándeı ǵana seziledi. Álgi ánniń ıiriminde jasap, qym-qýyt dúnıeni umytyp ta qalasyń. Kóńil jetpegen keńdikke án jetedi. Ómir jetpegen bıikke án jetedi.
Serik Ábil ulynyń óleńine jazylǵan, Halyq Rızabektiń «Sulýbaı armany» bizdi osyndaı bir ystyq sezimge bólegeni bar. Bul ándi Shaba Ádenqulqyzy «Táttim-aý» -dan da tátti, saǵnyshty oryndapty. Batyr baba ǵasyrlar bezbeninde án bolyp shyrqalyp, kúı bolyp kúmbirleı bereri haq! Áýele, áýeleı ber, «Sulýbaı arman»!
Sulýbaı Sapıuly 1906 jyly Sarsúmbeniń (qazirgi Altaı qalasynyń) Shirikshı aýyldyǵynda týǵan. 1929 jyly tamyzda aǵa-baýyrlaryn ertip Shińgilge kep qonystanady. 1937 jyly Yrysqan aýylynda pochtashylyq istep, 1940 jylǵy aqpandaǵy kóteriliske deıin atqarady. Osy jyldardan bastap qytaıǵa qarsy atoılap alǵa shyǵyp eren eńbek kórsetedi. 1944 jyly sáýir aıynda Bulǵyn ózeni boıyndaǵy shaıqasta jaý oǵynan qaza tabady. Múrdesi Bulǵyn ózeniniń bas jaǵyndaǵy Qumqaryn degen jerge jerlenedi.
Sulýbaı el qorǵaǵan batyr, qarymdy balýan, sýyryp salma aqyn. Ol eli úshin qan keship, jerin qorǵaýmen birge týǵan halyqyna, jaýynger serikterine rýhanı kúsh baǵyshtaǵan áıgili ánshi. Onyń qazirge deıin bizge jetken týyndylary: «Sulýbaı batyrdyń áni», «Sulýbaı men Gúlsimniń aıtysy» qatarlylar.
Qýanysh İLIASULY
6alash usynady
