"Qara aıǵyr" kúıi
Áńgimelep, shertken: Meden Kamalıuly
Meden Kamalıuly (10.06.1945j. - 10.06.2009j.)
1945 jyly 10 maýsymda Qytaı halyq respýblıkasy Shınjıań Uıǵyr avtonomıaly obylysy, Altaı aımaǵy, Kóktoǵaı aýdany, Qaratúnke (qazyrgi Qyzylshilik) aýylynda, Turǵyn eldi mekeninde dinı otbasynda dúnıege kelgen. Ákesi Kámalı, anasy Zúpirannyń tárbıesi men ómir keńistigine qanat qaǵady. Qatal taǵdyr 12 jasynda ákeden, 25 jasynda anasyna aıyrady. 11 jasyna deıin ákesinen tolyqtaı dinı saýat alyp shyǵady, keıin memlekettik emtıhan synaqtarynan súrinbeı ótip, úzdik nátıjemen «dıplomdy molda» dárejesin alady. Uly ákesi Ábdyrazyqtan jalǵasqan qasıetti Quran ilimimen halyqqa qyzmet kórsetedi. Tepse-temir úzetin jastyq shaǵy Qytaıdyń «Mádenıet zor tóńkerisi» dep atalatyn solaqaı saıasatyna tuspa-tus keledi. On jyldyq alasapyranda eńbekqorlyǵy men, zerektigi men tepkide júrsede asyl dinin umytpaı, tektiligin kórsetip, atadan boıǵa daryǵan óneri sheber ustalyǵyn, aqyndyǵyn, daryndy kúıshiligin jalǵastyryp damyta beredi. Keıin zaman jaqsarǵanda halyqtyń dinı saýatyn ashyp, bala tárbıelep aýyldyń sıly moldasy atanady. Sol kezderi aýyrý-syrqaý, kómekke muqtaj jandarǵa halyqtyń uıyqysy bolyp, kómekqolyn sozyp otyrǵan.
Meden Kámálıuly jubaıy Ásemhan Haqanqyz
Ánshi, sazger Yrǵynbek MEDENULY
«Qytaı qazaqtary» dep atalatyn kınoda qazaq kúıshilik ónerin kórsetedi. Sonymen birge aýdan kólemindegi aqyndar aıtysynda aqyndyq qyrymen halyqqa tanylsa, «Qyzqýar», «Qaraıǵyr», «Bulbul» qatarly kúıleri Shyńjań televıdenıesiniń «Altyn qorynda» saqtalǵan. «Aýyl mekeni», «Arnaý», «Ne ystyq», «Qanat sýylym», «Arman», «Úmit», «Aǵa aqynǵa arnaý», «Sálemdeme» qatarly kóptegen óleńderi jáne «Jota qajy», «Marqadyq batyr» týraly tarıhı eńbekteri bar.
6alash usyndy
