Jaqsylyq Sámıtuly (fılm)

(1940–2015) QHR-dyń Jemeneı aýdany, Lasty mekeninde týǵan. Shyńjań ınstıtýtynyń fılologıa fakúltetin bitirgen (1959). 1959–1979 jj. solshyl saıasat kezinde «ultshyl» atanyp, aıdaýda bolǵan. 1980–1989 jj. «Altaı aıasy» jýrnalynda bas redaktor, 1989–1993 jj. Shyńjań televıdenıesinde redaktor. 1993 jyly Qazaqstanǵa kóship kelgen. Ál-Farabı atyndaǵy QazMUÝ-dyń shyǵystaný fakúltetinde dosent, biraz jyldar ustazdyq qyzmet atqarǵan.

 

1957 jyldan bastap ádebıetke aralasqan. Qytaı Halyq Respýblıkasynyń Memlekettik syılyǵynyń laýreaty (1985), «Sergeldeń» trılogıasynyń birinshi jáne ekinshi kitaby (1996–2000), «Qytaıdaǵy qazaqtar» atty monografıasy (2000) basylyp shyqty.

 

Shyǵarmalary: Atameken. Poves. «Úrimshi», 1983; Taý samaly. Poves. «Úrimshi», 1985; Aq tilek. Poves. «Kúıtin», 1990; Aq sáýle. Poves. «Úrimshi», 1992; Sergeldeń. Roman. 1-kitap. A., «Ana tili», 1996. 2015 jyly 21 jeltoqsan baqılyq boldy.

 

 

Sońǵy kóshtiń serkesi ediń, Jaqsylyq,

Sulý sózdiń erkesi ediń, Jaqsylyq.

Jarmasqan ǵoı taǵdyryńnyń qyrsyǵy,

Etegińe erte seniń, Jaqsylyq!

 

Qandy Altaıǵa qanyǵyp eń , Jaqsylyq,

Taǵdyryna taryǵyp eń, Jaqsylyq.

«Qaharly Altaı» qalamyńnan qan qusyp,

Mańdaıyńnan jarylyp eń, Jaqsylyq.

 

«Taǵdyr júgin art» desetin Jaqsylyq,

«Azat elge tart» desetin Jaqsylyq.

Kúler bolsa shalqasynan shashylyp,

Shamyrqansa shart ketetin, Jaqsylyq.

 

Erkin elde erýlediń, Jaqsylyq,

Talantyńa senýli ediń, Jaqsylyq.

Qazaq eli azattyǵyn alǵanda,

Bar bolǵany elýde ediń, Jaqsylyq.

 

Saýyr taýdaı eńseń bolǵan, Jaqsylyq,

Ton jaǵasy seńseń bolǵan, Jaqsylyq.

Taǵdyr bitip taýsylǵanda ýaqyty,

Taýqymeti tom -tom bolǵan, Jaqsylyq.