Nur-Sultan. QazAqparat -10 qazan kúni«Astana» konsert zalynda jas ánshi, Halyqaralyq jáne Respýblıkalyq baıqaýlardyń laýreaty, Dástúr Asylhanulynyń "Armanyma hat" atty jeke án keshi ótedi. Estrada juldyzdarynyń qatysýymen ótetin Dástúrdiń tuńǵysh án keshi tosyn tyılarǵa toly bolmaq. Ánshi bul konsertin qol sozǵan úlken armandarynyń alǵashqy baspaldaǵy ekenin aıtady.
«Bul meniń óner jolymdaǵy birinshi esep berý keshim. Jalpy ánge-kúıge áýestigim akeniń qanymen ananyń aq sútimen keldi desem artyq aıtpaǵan bolar edim. Arǵy atalarym da ónerge jaqyn adamdar. Ákem Asylhan Naýryzhanuly termeshi, dástúrli ánshi kisi. Sol úshin de bolar meniń atymdy Dástúr qoıǵany ónerdegi dástúrli jolymyzdy jańǵyrtyp júrsin degen bolar. Óner jolymda azdy-kópti nátıjelerge qol jetkizdim. Sonyń barlyǵy ónerdegi ustazdarymnyń jáne meni qoldap-qýattaǵan halqymnyń arqasy dep bilemin. Nur-Sultan qalasy ákimdiginiń Memlekettik akademıalyq fılarmonıasynyń qoldaýymen keshimdi uıymdastyrp jatyrmyn. Alla buıyrsa osy keshte tyńdarmandarymdy jańa ánderimmen qýantsam deımin. Konsert jandy daýysta ótedi. Ózderińiz bilesizder bıyl Qazaqstanda «Jastar jyly» men sol jastardyń jalynyn elime kórsetkim keledi»,-deıdi ánshi.
Aıta keteıik, Dástúr Asylhanuly 1989 jyly Qytaı Halyq Respýlıkasy Tarbaǵataı aımaǵy Shaýshek qalasynda ónerli otbasynda dúnıege kelgen. Ákesi termeshi bir ómirin mádenıet salasyna arnaǵan. Al anasy bolsa medısına salasynyń qyzymetkeri. Dástúr - 2008 Astana qalasy Sáken Seıfýlın atyndaǵy qazagro tehnıkalyq ýnıversıtetine oqýǵa túsedi. Qazir Astana qalasy ákimdiginiń memlekettik akademıalyq fılarmonıasynda klasıkalyq jáne estradalyq án bóliminiń ánshisi!
- 2009 jyly Astana qalalyq «Jigit sultany» baıqaýynyń bas juldesin jeńip alǵan.
- 2010 jyly Respýblıkalyq «jasqanat» baıqaýynyń fınalısti.
- 2012 jylǵy «Aqmola juldyzary» baıqaýynyń laýreaty.
- 2016 jyly Shymkentte ótken «Shámshi Qaldáqov atyndaǵy meniń Qazaqstanym halyqaralyq án festıvali» arnaıy ákim júldesin alǵan. Halyqaralyq «Shabyt» festıvaliniń fınalısti.
- Ulttyq arnamyz Qazaqstan telearnasynyń arnaıy jobasy «Qazaqstan daýysy» baıqaýynyń fınalısti.
Rızabek Núsipbekuly
6alash usyndy
