"ىقىلاس" (روماننان ءۇزىندى) ءىليا جاقان
وقىعان: كۇنسايىن قۋانىش قىزى
جاقانوۆ ءىليا 1936 جىلى 6 مامىردا جامبىل وبلىسى، سارىسۋ اۋدانى، قازىرگى اقتوعاي اۋىلىندا تۋعان. قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن (1959).
1959–1963 جج. «قازاقستان پيونەرى» («ۇلان») گازەتىنىڭ ادەبيەت جانە ونەر ءبولىمىنىڭ مەڭگەرۋشىسى، 1963–1984 جج. قازاق كسر تەليەۆيزيا جانە راديوحابارىن تاراتۋ جونىندەگى مەملەكەتتىك كوميتەتىنىڭ رەداكتورى، اعا رەداكتورى، قازاق راديوسى مۋزىكا رەداكسياسىنىڭ باس رەداكتورى قىزمەتىن اتقارعان. 1984 جىلدان شىعارماشىلىق جۇمىستا.
«قايتا ورالعان ءان» (1968)، «قوش بول، ۆالس» (1969) پوۆەستەرى شىقتى. قازاقتىڭ ۇلى قوبىزشىسى ىقىلاس جايلى «كەرتولعاۋ» (1989) رومانى العاش قىرعىز تىلىندە، كەيىن قازاق تىلىندە «ىقىلاس» (1990) دەگەن اتپەن جارىق كوردى. «ەكى جيرەن» (1976)، «ءبىرىنشى كونسەرت» (1979)، «ماحاببات ءۆالسى» (1983)، «اققۋلار قونعان ايدىن كول» (1988) اتتى دەرەكتى اڭگىمەلەر، ەسسەلەر جانە نوۆەللالار جيناعى، سونداياق «قارابۋرا» (1977) تاريحيتانىمدىق شىعارماسى، «سىنعان قىلىش» (1981) اتتى قىرعىز تىلىنەن اۋدارىلعان (قاسىمبەكوۆ شىعارماسى) تاريحي روماندارى شىقتى. «ءبىرجان سال»، «اقان سەرى»، «ۇكىلى ىبىراي»، «ەستاي ءانشى»، «جاياۋ مۇسا»، «ءمادي»، «مايرا»، «بالۋان شولاق»، ت.ب دا سالسەرىلەر، قازاقستان كومپوزيتورلارى م.تولەبايەۆ، ل.حاميدي، س.مۇحامەدجانوۆ، ق.مۋسين، ب.بايقاداموۆتاردىڭ شىعارماشىلىق پورترەتتەرىن سومداعان شىعارمالارى، «شوقان جانە مۋزىكا»، «جامبىل جانە مۋزىكا»، «ساكەن جانە مۋزىكا» اتتى تەلەسەريالدارى بار.
ىقىلاس دۇكەن ۇلىنىڭ كۇيى "جەز كيىك"
ىقىلاس دۇكەن ۇلى (1843-1916) - قازاق حالقىنىڭ داۋلەسكەر كۇيشى-قوبىزشىسى. ول جەزقازعان وبلىسىنىڭ جاڭاارقا اۋدانىندا دۇنيەگە كەلگەن. ونىڭ اتاسى مەن اكەسى قوبىزشى بولعان. كيەلى ونەر ۇلدارىنا دا قونىپ، ىقىلاس قوبىز اۋەنىمەن ەر جەتەدى. قورقىت اتا ايان بەرىپ، اكەدەن بالاعا جەتكەن ونەر، قوبىز ءۇنى تاعى دا ۇزىلمەستەن جالعاسىن تابادى.
ىقىلاس - قازاقتىڭ ۇلتتىق ىسپالى اسپاپتى مۋزىكاسىنىڭ كورنەكتى وكىلدەرىنىڭ ءبىرى. تۇلعاسى رۋحاني تاريحىمىزدىڭ تورىنەن ورىن العان. ول - اتاقتى قورقىت بابادان كەيىنگى قوبىزعا ءتىل بىتىرگەن ادام.
قوبىزدىڭ قۇدىرەتتى ءۇنىن تۇرلەندىرىپ قۇبىلتقان ىقىلاس - عاسىر ءۇنىن عاسىرلارعا جەتكىزگەن اسقان كۇيشى. ونىڭ «اققۋ»، «ەردەن»، «قاسقىر»، «جالعىز اياق»، «جەز كيىك» جانە تاعى باسقا كۇيلەرى - حالىقتىڭ اسىل مۇراسى.
كونەدەن جەتكەن قوبىز ونەرىن ارتىندا قالعان مۇراگەرلەرى جالعاستىرىپ كەلەدى.
6alash ۇسىنادى
