سۇلۋباي باتىردىڭ ۇڭگىرى
سۇلۋباي ساپى ۇلى مۇندا مولشەرمەن 1943 جىلدارى بۇل ۇڭگىردى پانالاپ جاتقان.
التاي ايماعى شىڭگىل اۋدانىنداعى ارمانتى تاۋى سارتوعاي وزەنىن بويلاپ، شىعىستان باتىسقا قاراي كولبەي سوزىلىپ ورنالاسقان باس-اياعى 50-40 كيلومەتر شاماسىنداعى الىپ تاۋ سىلەمى. ارمانتى سارتوعاي اۋىلىنىڭ 80 مىڭ باس ءىرىلى-ۇساق مالى قىستايتىن قىستاۋلىعى. بۇل تاۋ سان تاريحتىڭ كۋاسى. تالاي قىرعىن سوعىس تا بولعان جەر.
ءبىز ارمانتى تاۋىنىڭ كەزەڭىنەن شىعىستى بەتكە الىپ، دابان بۇلاق قامىستى باستاۋ سايدارىن قىرقالاي ءوتىپ، شايانباي سايىن ورلەپ، كەزىندە باتىر بابامىز سۇلۋباي اياعىنا وق ءتيىپ جارالى بولعاندا ءبىر جاز پانالاعان ۇڭگىرگە كەلدىك. ناقتاپ قاراعان ادام بولماسا وڭاي-وسپاق كوزگە شالىنبايتىن شاعىن جارتاس تۇبىندەگى اۋزى تار تۇبى كەڭ 4-5 ادام كەڭ سياتىن ۇزىنى 4، كەڭدىگى 5 بيىكتىگى 2 مەتر شاماسنداعى اۋزىنا ۇشقات، توبىلعى ءوسىپ تابيعي «ەسىك» قالپتاستىرعان شاعىن ۇڭگىر ەكەن. سۇلۋباي ساپى ۇلى مولشەرمەن 1943 جىلدارى بۇل ۇڭگىردى پانالاپ جاتقان.
ۇڭگىر اۋزىنداعى توبىلعىعا كەيىنگى جۇرت قاستەرلەپ اقتىق بايلاپتى. ال، ماڭايىندا بەينە باتىرعا ورناتقان ەسكەرتكشتەي دۋلىعا كيگەن باتىرعا ۇقسايتىن ءمۇسىن تاستار كوپ.
قاپەز شاعىبان ۇلى
6alash ۇسىندى
