ارعى بەتتە تۇراتىن قانداس قالامگەر ماقپال ءماۋلىحان قىزىنىڭ ءۇش كىتابى جارىق كوردى. كىتاپتار "ايەلدىڭ ايتار سىرى كوپ" (شالقىما)، "ساناداعى سۋرەت" (اڭگىمە، پوۆەست) جانە "جازعىم كەلمەگەن ولەڭدەرىم" (ولەڭدەر جيناعى) دەپ اتالادى.
شالقىما – تاريحي كورشىمىز جۇڭگو ەلىنىڭ ادەبيەتىندەگى جانرلاردىڭ ءبىرى. اتاپ ايتقاندا، جۇڭگو ادەبيەتىندە پروزا، پوەزيا جانە درامادان سىرت، ءسانۋىن اتتى جانر بار. ءسانۋىن جانرىن قحر-دا تۇراتىن قازاق ادەبيەتشىلەرى شالقىما دەپ اۋدارعان. شالقىما جانرى بويىنشا جازىلعان شىعارمالاردا وي مەن سەزىمدى ەركىن كوسىلتە جازۋ كوزدەلەدى. قاراپايىم سوزبەن ايتقاندا، شالقىما – ولەڭ مەن قارا ءسوزدىڭ ورتاسىنداعى كوڭىل-كۇي مەن وبرازدى ويدى توگىلتە جازاتىن جانر. جۇڭگو حالقىندا شالقىما جازۋشىلار وتە كوپ. قىتايداعى قانداستارىمىزدىڭ ادەبيەتىندە وسى جانردا قالام تەربەيتىن ازدى-كوپتى اعابۋىن جازۋشىلار بار.
ماقپال ءماۋلىحان قىزى اتالعان جانردا جانە پوەزيا مەن پروزادا قالام تەربەپ جۇرگەن قالامگەر. قازاق ەلىندە تۇڭعىش رەت قاتار شىققان ءۇش كىتابىن وقىرمان قاۋىمعا ۇسىنىپ وتىر. جاڭا لەپپەن، وزگەشە جانرمەن جازىلعان بۇل كىتاپتاردى وقىرمان جىلى قابىلدارى داۋسىز.
كىتاپتاردىڭ بارلىعى جالپى كوپشىلىك وقىرمانعا ارنالعان.
