الماتىدا اقىن ۇلجالعاس جاكىبايەۆانىڭ «ءومىر-اي» اتتى ولەڭدەر جناعى باسپادان شىقتى.
اقىن ۇلجالعاس جاكىبايەۆا ارعى بەتتىڭ جىرسۇيەر وقىرماندارىنا ەرتەدەن تانىس قالامگەر. شىنجاڭداعى ءتۇرلى مەرزىمدى باسىلىمدار ارقىلى جۇرتقا بەلگىلى اۆتور بەينەتتى ءومىردىڭ زەينەتىن اتامەكەنى قازاق ەلىندە كورگەن. سەكسەن جاسىندا جارىق دۇنيەگە قوش ايتقان قالام يەسىنىڭ سوڭىندا قالعان جىر مۇراسىن ۇرپاقتارى «ءومىر-اي» اتتى جيناق رەتىندە وقىرمان قاۋىمعا ۇسىنىپ وتىر.
عۇمىرىندا ىستىق-سۋىقتى كوپ كورگەن اۆتوردىڭ الۋان تاقىرىپتا وربىتكەن ولەڭدەرى وقىرمانىن سان الۋان ويعا جەتەلەيدى. جيناققا اقىننىڭ ءار كەزەڭدەردە جازىلعان ولەڭدەرى توپتاستىرىلعان.
كىتاپ ولەڭسۇيەر جالپى كوپشىلىك قاۋىمعا ارنالعان.
ۇلجالعاس ساپاربەك قىزى جاكىبايەۆا 1942 جىلى جۇڭگو حالىق رەسپۋبليكاسى، قۇلجا اۋدانى، كوكقامىردا دۇنيەگە كەلگەن. 1965 جىلى شىنجاڭ مەديسينا ۋنيۆەرسيتەتىن بىتىرگەن. 1980 جىلدان 1997 جىلعا دەيىن ىلە وبلىستىق «دوستىق» ەمحاناسىندا ىشكى اۋرۋلار مامانى رەتىندە قىزمەت اتقارعان. اتامەكەنگە ورالعان 2000 جىلدان بەرى الماتى قالاسىندا دا تۇردى. 2022 جىلى شىلدەنىڭ 23 كۇنى باقيعا اتتاندى.
اقىن 13 جاسىنان باستاپ ولەڭ جازا باستاعان. 1991 جىلدان بەرى قحر شىنجاڭ جازۋشىلار وداعىنىڭ مۇشەسى. قىتايداعى ءتۇرلى باسىلىمداردا 400-گە جۋىق ولەڭ، داستان، تولعاۋ جانە ادەبي سىن ەڭبەكتەرى جارىق كورگەن. ءوز ماماندىعى بويىنشا گونكونگتا باسىلعان «ايگىلى ادامدار» اتتى كىتاپقا ەسىمى ەنگەن.
2002 جىلى «وتانعا ورالعاندا» اتتى ولەڭى ەلىمىزدىڭ باسپاسوزىندە جاريالاندى. «جاس تامشىلارى» اتتى ولەڭدەر جيناعى جارىق كورگەن.
ادىلەت احمەت ۇلى
