الماتىدا «ساڭلاق» اتتى جاڭا كىتاپ باسىلىپ شىقتى. «ساڭلاقتىڭ» ءجونى وزگە كىتاپتاردان بولەك، ارقالاعان جۇگى اۋىر، ۇلكەن تاۋەكەلدىڭ جەمىسى ەكەنىنەن حاباردار بولدىق. كىتاپتىڭ اۆتورى داۋرەن باقىتقاجى ۇلى. تالاي جىلدىق ىزدەنىستەر ناتيدەسىندە وقىرمانمەن جۇزدەسۋ الدىندا تۇرعان «ساڭلاقتىڭ» ايقارا بەتىندە مىناداي اڭداتپا بەرىلگەن:
«بۇل تانىمدىق فوتوالبومعا اتا جۇرتىمىز قازاقستاندى ايتپاعاندا، الەمنىڭ 15 ەلىندە تارىداي شاشىلىپ جۇرگەن، الەم سپورتىندا وزىندىك ورنى بار، 500-دەن استام قازاق سپورتشىنىڭ تاريحى، جەتىستىكتەرى فوتو سۋرەتتەرىمەن قوسا بەرىلدى. قۇراستىرۋشىنىڭ بىرنەشە شەتەلدى ارالاپ، سەگىز جىلعا سوزىلعان ىزدەنىسىنىڭ ارقاسىندا جيناقتالعان ەڭبەك ەل يگىلىگىنە جارارى ءسوزسىز.
كىتاپ قازاق سپورتىنىڭ تاريحىن زەرتتەۋشىلەرگە جانە جالپى وقىرمان قاۋىمعا ارنالادى».
ءىشىنىڭ دە، سىرتىنىڭ دا سالماعى زور، زەرلى ەڭبەكتىڭ تۇساۋى الداعى ۋاقىتتاردا الماتىدا كەسىلەدى ەكەن. كىتاپتى جوبالاۋشى، سۋرتەشى، ديزاينەر ادال قاليبەكتىڭ ايتۋىنشا، اتالعان ەڭبەكتىڭ وقىرمان رۋحىنا سىلكىنىس اكەلەرى داۋسىز. سەبەبى، الىس-جۋىقتاعى اعايىننىڭ اراسىنان توپ جارىپ، الەمدىك ارەناعا كوتەرىلگەن قازاقتىڭ ءاپايتوس بالۋاندارىنان باستاپ، سپورتتىڭ ءار سالاسىندا ماڭدايى جارقىراعان بىلىكتىرلەرىمىزدىڭ ەسەلى ەڭبەكتەرى تۇڭعىش رەت كىتاپ بولىپ جيناقتالىپ وتىر ەكەن. كىتاپ «ادەبيەت» باسپا ءۇيى ارقىلى وقىرمانعا جول تارتۋدا.
«وسەتىن ەل ءوزىنىڭ وتكەن-كەتكەنىن تۇگەندەيدى» دەگەندەي، داۋرەن باقىتقاجى ۇلىنىڭ جان سۇيىنتەر جاڭالىعىن العاشقى بولىپ وقىرمانعا «ارقاۋ» سايتى ارقىلى جەتكىزۋگە اسىقتىق.
ادىلەت احمەت ۇلى
