دانەش راقىش ۇلىنىڭ ءانى "اققۋلار قوش بولىڭدار"
ءسوزى: مۇقاعالي ماقاتايەۆ
ورىنداعان: ءابدىباقىت سۇلتانبەك ۇلى
دانەش راقىش ۇلى (1.5. 1926، الماتى وبلىسى رايىمبەك اۋدانى تالدى ا. – 6.7.1992، الماتى وبلىسى كوكسۋ اۋدانى مۇقىر ا.) – ءانشى، كومپوزيتور. قازاق كسر-ىنىڭ حالىق ارت. (1986). ر-تىڭ العاشقى ونەر مەكتەبى كوركەمونەرپازدار ۇيىرمەسىنەن باستالادى.
1944-45 ج. شىع. تۇركىستانداعى قازاقتىڭ جاس انشىلەرى قۇرامىندا ەل ارالاپ، ونەر كورسەتتى. 1945 ج. قۇلجا ق-نداعى (قحر) ۇيعىر-قازاق تەاترىنىڭ اكتەرى بولىپ ورنالاسىپ، ءابدىراحمان (ب.مايلين “شۇعا”)، جاپال، قالقامان (م.اۋەزوۆ “ەڭلىك-كەبەك” پەن “قالقامان-مامىر”)، ت.ب. ساحنالىق بەينەلەردى سومدادى. 1946-49 ج. وسى تەاتردىڭ قازاق ءبولىمىن باسقارعان. 1959 ج. قازاقستانعا ورالعاننان كەيىن بۇرىنعى تالدىقورعان وبلىسى پانفيلوۆ اۋدانىنداعى “وكتيابردىڭ 40 جىلدىعى” حالىق تەاترىنىڭ رەجيسسەرى قىزمەتىن اتقاردى. 1968 جىلدان تالدىقورعان فيلارمونياسىنىڭ ءانشى-سوليسى جانە وسىنداعى “تاماشا ءازىل-سىقاق كەشى” توبىنىڭ جەتەكشىسى بولدى. م.ەرجانوۆ، ج.ەلەبەكوۆ سياقتى انشىلەردىڭ ورىنداۋشىلىق ءداستۇرىن جالعاستىردى. ر. رەپەرتۋارىندا: ۇكىلى ىبىرايدىڭ “اڭشىنىڭ ءانى”، اسەتتىڭ “ارداق”، “ماقپال”، “اتىم اسەت”، “حيسمەت”، “احا-اۋ، جالعان”، “جايقوڭىر” اندەرى، قازىرگى قازاق كومپوزيتورلارىنىڭ اندەرى بار. ر. “شاتتىق تولقىنى”، “ماقتانىشتى ەلىم بار”، “جاس قايرات”، “جەر سۇلۋى جەتىسۋ”، “كومسومول”، “ساياسىندا المانىڭ”، “جەڭەشە”، “تۋعان جەر”، “الماتىم”، ت.ب. اندەرىن شىعارعان.
6alash ۇسىندى
