ابايدىڭ "ات ماقتاۋ" ولەڭىنىڭ التايعا بارعان العاشقى نۇسقاسى

ۇستەگى جىلى ادامزاتتىڭ الىپ تۇلعالارىنىڭ ءبىرى حاكيم اباي قۇنانباي ۇلىنىڭ 175 جىلدىق مەرەيتويى. الەمنىڭ ءار ەلىندە، جۇيەدەن حاكيمنىڭ قاراستى ەلىندەگى ءدۇبىرلى سالتاناتتىڭ بولادىسىنا مەندە ەلەڭدەپ، اباي ولەڭدەرى مەن قارا سوزدەرىن جانە قاتىستى ىزدەنۋ-زەتتەۋ شىعارمالارىنىڭ قولىما تۇسكەنىن قايتا وقىپ شىقتىم. انانىڭ بەسىك جىرى بولىپ قۇالعىما قۇيىلىپ، جۇرەگىمە سىڭگەن كيەلى تاعىلىم، مەنىڭ ءار قادامىمنىڭ شام-شىراعى. بولاشاعىمنىڭ مايەگى. كىتاپ سورەمنىڭ ۇستىنگى جاعىنا قويىلعان، سارى ءتۇستى ەسكى مەكاالي پاراعى اپام سىيلاعان بويتۇمارىم. ول اباي ولەڭى. اباي ولەڭىن ناعاشى اتام زاعفار قۇلتاي ۇلى مينگونىڭ 15 جىلى (1926 جىلعا تۋرا كەلەدى) 7 ايدىڭ 5 كۇنى قاۋىرسىن قالاممەن شاعاتاي جازۋىندا كوشىرىپ ساقتاعان ەكەن، 1959 جىلى قىزى مەنىڭ تۋعان شەشەم (بۋقاميال) بۋكان زاعىفارقىزىنا بەرىپ، بەرىك ساقتاۋدى قاداعالاپتى. زەرتتەۋلەرگە قاراعاندا اباي قۇنانبايەۆتىڭ بۇل ولەڭى التايداعى اباق كەرەيگە العاش كەلگەن "ات ماقتاۋ" دەگەن ولەڭىنىڭ العاشقى نۇسقاسى ەكەن. اپام بوران-شاشىندى جىلداردىڭ جەلىنە ۇرعىزباي، جاۋىنىنا تيگىزبەي بىردە جورگەككە قوسىپ وراپ، بىردەن بەسىكتىڭ باسىنداعى جاستىقتىڭ استىنا قويىپ، بىردە ەلەۋسىز ورىندارعا جوتكەپ قويىپ ساقتاپ مەن قارا تانىعان كەزىمدە ماعان اماناتتادى. وسى ورايدا جادىگەرگە كوپ ءۇڭىلىپ، كوپ ويلانىپ "اپا" اتتى اڭگىمە جازىپ حالقىما ۇسىندىم ءارى اباي ولەڭىنىڭ ناعاشى اتام كوشىرگەن نۇسقاسىن اشىق جاريالاۋدى ءجون كوردىم. قۇندى جادىگەر الدارىڭىزدا.