؟؟؟قۇرمەتتى قانداستار؟؟؟
⚡ بيىل كەمەل ويلى كەمەڭگەر، عۇلاما اقىن، اعارتۋشى اباي قۇنانباي ۇلىنىڭ تۋعانىنا 175 جىل ەكەنى بارشاڭىزعا ايان. ۇلتىمىزدىڭ ۇلى تۇلعاسىنىڭ مەرەيتويىن مەملەكەت كولەمىندە جانە حالىقارالىق دەڭگەيدە لايىقتى اتاپ ءوتۋ ءۇشىن ەلىمىزدە ارنايى ۇكىمەتتىك كوميسسيا قۇرىلىپ، اۋقىمدى ءىس-شارالار جوسپارى ءتۇزىلدى
⚡ الايدا بۇگىندە بۇكىل الەمدى دەندەگەن دەرت - كوروناۆيرۋس ىندەتىمەن كۇرەسۋ ءۇشىن كۇللى جاھاندا، سونىمەن قاتار قازاقستاندا دا جاپپاي كارانتين جاريالانىپ، بارلىق سالادا جۇمىس ىستەۋ ءتاسىلىن كۇرت وزگەرتۋگە تۋرا كەلىپ وتىر.
⚡ وسىعان وراي دۇنيەجۇزى قازاقتارىنىڭ قاۋىمداستىعى مەن «وتانداستار قورى» ۇلتتىق سانانى ساقتاۋ جانە ءوي-ورىسىمىزدى كەڭەيتىپ، وسكەلەڭ ۇرپاقتى رۋحاني تۇرعىدا دامىتۋ ماقساتىندا «اباي الەمى» حالىقارالىق بايقاۋىن وتكىزۋدى جوسپارلاپ وتىر.
؟ بايقاۋ شارتتارى:
ءار قاتىسۋشى كەلەسى 5️⃣ قادامدى ورىنداۋ كەرەك:
1️⃣ اباي ولەڭدەرىنەن ءۇزىندى وقۋى (كەمىندە ەكى-ۇش شۋماق)؛
2️⃣ ابايدىڭ «قارا سوزدەرىنەن» ءۇزىندى وقۋى (كەمىندە ءبىر ابزاس)؛
3️⃣ اباي اندەرىنەن ءۇزىندى ورىنداۋى (كەمى ءبىر شۋماق+قايىرماسىمەن) كەرەك.
4️⃣ وسىنىڭ ءبارىن ءبىر ۆيدەوعا ءتۇسىرىپ، وزىنە ىڭعايلى الەۋمەتتىك جەلىگە (ينستاگرام، فەيسبۋك، ۆكونتاكتە، تۆيتتەر) سالىپ، #OtandastarAbai175 حەشتەگىن (مىندەتتى تۇردە) جازىپ جۇكتەۋى قاجەت.
5️⃣ ۆيدەونىڭ باسىندا ءاتى-جونىڭىزدى، قاي ەلدەن ەكەنىڭىزدى جانە جاسىڭىزدى ايتىپ جانە جازىپ قويۋ قاجەت.
؟ بايقاۋعا كىم قاتىسا الادى؟
✅ الىس-جاقىن شەتەلدەگى قازاق جاستارى؛
✅ جاسى 18 بەن 35 ارالىعىندا بولۋى كەرەك.
؟ بايقاۋدىڭ قورىتىندىسى:
1 ماۋسىم - حالىقارالىق بالالاردى قورعاۋ كۇنىندە جاريالانادى.
؟ بايقاۋ جەڭىمپازدارى:
✅ بايقاۋعا جولدانعان بەينەروليكتەردى بىلىكتى مامانداردان قۇرىلعان قازىلار القاسى ىرىكتەپ-سۇرىپتاپ، ەڭ ۇزدىك دەپ تانىلعان 3️⃣ تالانتتى تالاپكەر جۇلدەگەر اتانادى؛
✅ بارلىق 3 جۇلدەگەرگە دە «تۋعان ەلگە ساياحات» تۋريستىك پويىزىنا تەگىن جولداما بەرىلەدى؛
✅ ساياحات جاسايتىن ساپار ۋاقىتى قوسىمشا حابارلانىپ، جۇلدەگەرلەر الدىن الا قۇلاعدار ەتىلەدى؛
✅ ۇزدىك ۇشتىككە ەنگەن شەتەلدىك قانداستىڭ قازاقستانعا كەلىپ-كەتەتىن جول شىعىنىن، كۇتىپ الۋ-شىعارىپ سالۋ جانە تۋريستىك توپقا قوسۋ مىندەتىن «وتانداستار قورى» ءوز موينىنا الادى.
ۇلى اقىننىڭ ۇلاعاتىن پاش ەتۋگە ارنالعان بايقاۋدا بارشاڭىزعا ساتتىلىك تىلەيمىز!
تاعى سۇراقتارىڭىز بولسا، استىنا پىكىر قالدىرىڭىزدار؟
6الاش ۇسىندى
