Qusbegilik – búrkit, ıtelgi, qarshyǵa, qyrǵı, tuıǵyn, turymtaı, suńqar, lashyn, jaǵaltaı sıaqty jyrtqysh qustardy qolǵa úıretip, ańǵa, qusqa salatyn saıatshylyq óner. Qusbegilik qazaq, qyrǵyz halyqtarynda ejelden kele jatqan úlken óner retinde sanalady. Qazaq halqynyń arasynda bul ónerdiń tamasha sheberleri keń dáripteledi. Máselen, «Aspanda júrsem qanatym talady, jerge qonsam jalaıyr Shora alady», «Tineıdegi qasıet – uıalas eken sarquspen, Shoradaǵy qasıet – tildes eken bar quspen»,- degen sózder bar.
Qusbegiler qyran qusty tor quryp ustaıdy nemese qaraqanat balapan kezinde uıadan alady. Onyń aıaǵyna balaqbaý men shyjym taǵyp, kózine tomaǵa kıgizedi. Qusty áýelde shyjymmen ushyryp, qaıyrýy jetken soń semirtip túletedi. Budan keıin qusty aqjemmen asyrap, bos kerilgen arqanǵa qonaqtatyp, uıqysyn alyp arytady. Jeńil ushyp, jeńil qonatyn kúıge kelgende ańǵa salady.
Shyrǵa
Sýretterdi túsirgen Qalıakbar ÚSEMHANULY, 2011 jyl
6alash usynady
