" Muratbek mektebi " ( Tesebaev qazasyna)
Qýanysh İlıas
Muratbek mektebi
(Áıgili dıktor Muratbek Tesebaevtiń qazasyna)
Qýanysh İlásuly
Oıpyrym-aı, ótti deı me Tesebaev,
Jylady Ertis, İle, Esil, Jaıyq!
Ańyz bolyp attanǵan aramyzdan,
Múkeń emes, bir dáýir dese laıyq!
Bir toqtaýǵa jaratqan jumyr etti,
Jazymysh, ólsheýli ómir kúni jetti!
Kúńirenip keýdesi jumyr jerdiń,
Múkeń emes, qazaqtyń úni ketti!
Biz shalǵaıda, taý qystap turatynybyz,
Radıony qoıǵa ala shyǵatynbyz!
Sóılep turǵan ǵajaıyp sol sandyqty,
Muratbek Tesebaı dep uǵatynybz!
Iendegi jalǵyz úı serik etken,
Taý aralap Múkeńniń úni jetken!
Qazaq bitken, taý bitken muńǵa batty,
Jylyp ótken dúnıe-aı, jylyp ótken!
Sonaý jyly telege, jyrǵa kelgem,
Radıodan, ańyzyn tyńdap elden.
Mańdaıymnan sıpasa Qanat aǵa,
Múkeń sonda baptaǵan, syn da bergen!
Júregi aqyn, kómeıi syńǵyr úndi,
Múkeńshe kim súrdi eken, bul ǵumyrdy?
Seńgirinde seksenniń tik júretin,
Qasqa aıǵyrdaı órgizgen myń qulyndy!
Jıylatyn mańyna jastar jaǵy,
Kúndeı kúle qaraıtyn aspandaǵy!
Tóbe kókke jetkendeı qýanýshy ek,
Kóterilse múkeńniń bas barmaǵy!
Seksende de serideı ǵumyr keshken,
Tóńiregi tulpardaı dúbirlesken.
Oıhoı, ómir tikeleı efır syndy,
Bári de ótip ketipti-aý, bilinbesten!
Múkeń jalǵyz, ómirge dara keldi,
Qońyr únmen terbetti qara jerdi.
Ómir ótti, allanyń jazymyshy,
Al, óneri mektep bop qala berdi!
2022. 07. 15 Astana
Abaq usyndy
