" اعاجاي التاي "
كارمەنوۆ جانىبەك (22 ناۋرىز 1949 جىلى، قاراۋىل اۋىلى، اباي اۋدانى، شىعىس قازاقستان وبلىسى – 22 ماۋسىم، 1992 جىلى، الماتى) – ءانشى، جازۋشى، قازاق كسر-ىنىڭ ەڭبەك سىڭىرگەن ارتيست (1990).
الماتى ەسترادا-سيرك ونەرى ستۋدياسىنىڭ (قازىرگى كوللەدج) انشىلىك ءبولىمىن (پەداگوگى ج.ەلەبەكوۆ)، جانە قازاق مەملەكەتتىك ۋنيۆەرسيتەتىن بىتىرگەن. “ونەر” باسپاسىندا رەداكتور، الماتى مەملەكەتتىك كونسەرۆاتورياسىندا حالىق اندەرى كافەدراسىنىڭ مەڭگەرۋشىسى بولىپ قىزمەت اتقاردى. ول وزىندىك ءان ورىنداۋشىلىعىمەن ەرەكشە كوزگە ءتۇستى، كوپتەگەن حالىق كومپوزيتورلارىنىڭ شىعارما ءومىرى مەن مۇراسىن ناسيحاتتاۋ جانە ولاردىڭ ۇمىتىلعان ءان ماتىندەرىن قالپىنا كەلتىرۋ ىسىنە مول ۇلەس قوستى. كەزىندە قازاق راديوسى مەن تەليەۆيزياسى ارقىلى حالىق انشىلەرى مەن انشىلىك ءداستۇر جايىندا حابارلار (ا.سەيدىمبەكپەن بىرگە) جۇرگىزدى. ونەر تاقىرىبىنا ارنالعان كىتاپتارى (“اقىلبايدىڭ ءانى”، ”عاشىقتىڭ ءتىلى”، “ماحاببات ءانى”) جارىق كوردى. 1984 جىلى كونسەرتتىك- ورىنداۋشىلىق، زەرتتەۋ قىزمەتتەرى جانە جاستار اراسىندا حالىق ونەرىن ناسيحاتتاۋداعى جۇمىستارى ءۇشىن وعان قازاقستان لەنين كومسومولى سىيلىعى بەرىلدى. 1996 جىلى ونىڭ ەسىمى قاراۋىل اۋىلىنداعى (قازىرگى شىعىس قازاقستان وبلىسى اباي اۋدانى) مۋزىكا مەكتەبىنە بەرىلگەن.
6الاش ۇسىندى
